【抗暴之戰】長者不滿工展會保安嚴密搜袋迫飲水:使唔使除埋底褲?

更新時間 (HKT): 2019.12.10 20:51

今早11時工展會開門,逾百市民一窩蜂地衝到心水攤位。錯過搶購潮才入場的麥女士,指參觀工展會數十載,一屆都會入場數日,她狠批,今年新增的安檢環節,令排隊時間延長,使一眾長者白排隊,「排排排,兜兩個圈,仲話咩都要畀佢檢查,老人家入嚟可以做咩壞事啊!」,記者問及她有否跟足安檢程序,如通過時要將袋中水取出喝一口,「我飲鬼(不會飲給)佢睇咩,我發火鬧佢!」她稱完全打消入場消費意欲,更直言日後不會再來。

另一長者區先生補充,「老實講,我哋幾廿歲,仲使乜檢查。而且要咁多長者喺度排隊,有啲矯枉過正」。花了近兩千元買鮑魚禮盒送禮的蔡生又說,展方安排不善,「Secure(保安)揸住雞毛當令箭,又要人飲水,老人家入嚟要佢飲水會嗆親」,蔡指,與其要人飲水,倒不如把飲用水都禁止攜帶入場。他期望展方盡快改善,「人哋嚟搞都唔搞工展會,呢度只係香港本土買嘢嘅地方」。

近銅鑼灣正門的金鳳米商和鴻福堂,分別推出限量20名$1兩公斤米福袋,和100名$5靈芝湯包,都引得長者青睞,爭先恐後,排隊間出現零星口角。提早開門前3小時到場的葉先生,成功搶得福袋,他不滿展方新入場安排,「舊年我哋長者好有秩序咁入場㗎,今次一窩蜂咁,好易人踩人㗎」。葉搶得平米後,打算再用「三、五、七千都無問題,如果睇得啱」。

今日入場維園人士全數包括傳媒都要作安全檢查,需要打開隨身品讓保安用長棍撥開檢視,又要喝一口自備的飲品,確保是飲用水。廠商會第二副會長徐晉暉指,為保障場內人士安全,今年特意增派保安人手,而展期首日亦嚴格執行安檢,「一啲都唔做,有乜事發生我哋都要負責任」。他承諾檢視入場人流和安排後,期望可逐日遞減手續。對於有網民擬傍晚進場「和你展」,徐回應有擔心,但指如入場人士是「唱吓歌、做啲嘢」而不滋擾其他遊客,他不介意,亦相信展方可以自行處理,不需要驚動警方,笑言「唱咩歌都唔係問題,好聽咪得囉」。

徐指展前已與包括警方、消防處就展覽商討,過程中警方無稱特別安排人手在附近佈防。他直言今年宣傳減少,相信首日展期人流下跌,與參展商一致保守估計整期人次下跌兩、三成。

商戶對示威者有信心:無預防措施 不料有破壞

工展會開幕後數小時,人流保持增長。三和牌食品總經理張先生相信,示威者走進會場可能性不大,即使有網上號召的「和你展」出現,張指完全不擔心「相信示威者有自制,我哋呢啲小商戶都係民生嘢。(假如有示威?)預防措施無諗過,唔相信佢哋(示威者)會有破壞性行為,對佢哋有信心」。經濟轉淡,工展會參展商減兩成,昨又公佈每日開放時間提早兩小時結束。張認為展方推租金七折幫補合理,自己則將貨品存倉內,多走幾轉車方便應變,未曾考慮過退展,「年年都做,如果突然唔做,有啲唔係好捨得」。

安記海味老闆潘權輝滿意今早人流,坦言經濟惡劣,今年生意做到去年七成已滿意,「八成就(向員工)派利是,九成派大利是」。他提到已少入一成貨,而若場內出現突發情況,會配合大會安排決定去留。

第54屆工展會詳情

一格照片,一個故事,Follow蘋果Instagram!
BannerBanner