港人冀立會選舉再下一城

更新時間 (HKT): 2019.12.09 02:20

區會選舉民主派大勝,但市民明顯未滿意,昨日再有大批市民上街爭取五大訴求及反警暴。天水圍區的張先生直言,期望今屆區議會可以光復社區,「以前建制派控制,個透明度低」,認為即使這次選舉是變相公投,「但同時(區議員)要做實事」,希望地區議會以民主化方式推動當區建設,拒絕小白象工程,又特別希望強化區內物業管理,「唔能夠畀警察為所欲為,入晒去(私人屋苑)都得」。

青年:明年一定會投民主派

「兄弟爬山吖嘛,就算幾冇用都好,咁你食一嚿屎定兩嚿屎吖?我就寧願食一嚿屎嘞」。今年22歲、任職銀行界王先生稱,雖然不相信立會有太大功能,但明年一定會在立會選舉繼續票投民主派,「即係我唔會射落大海嘅」,直言原本對區選沒有太大期望,認為要在制度內作改變十分困難,但奇蹟還是出現了:「唔好俾勝利沖昏咗個頭腦,所以區選過咗,香港人都要繼續走出嚟,用唔同方法令呢個極權政府答應我哋嘅訴求。」

大學生:加強立會議價能力

現為大學生的陳小姐參與遊行是希望聲援被捕人士,曾在區選投票支持民主派的她指,民主派雖在區選取勝,但票數上仍有隱憂,加上明年立會選舉用比例代表制,故希望各界加強文宣,令更多港人改變立場支持民主派:「希望大家都理解我哋需要喺立法會有議價能力,去真正改變制度。」

一格照片,一個故事,Follow蘋果Instagram!
BannerBanner