【蘋聞追Click】大戲版《榮光》三日十萬點擊 團隊剖白:粵劇都講良心

更新時間 (HKT): 2019.12.07 23:08

粵劇界一直予人印象保守、親建制,但近日網上熱傳《願榮光歸香港x肥媽有話兒》大戲版,在YouTube三日便有逾十萬點擊率。製作團隊強調,很多粵劇都是反映時弊,例如《竇娥冤》講冤案、《十奏嚴嵩》罵貪官,希望更多創作可緊扣時代聲音,「連結返當下城市發生緊故事,粵劇可以唔係得一種。」

記者 潘柏林

大戲版《榮光》製作團隊接受《蘋果》專訪時一律不用真名,因為業界瀰漫白色恐怖。成員之一「白馬嘯西風」指,戲迷近月流傳一個名單,用政治立場抹黑粵劇從業員,「WhatsApp有個名單,佢係黃嘅、佢係暴徒,我哋要抵制佢,我哋唔可以再睇佢做戲,咁有乜謂呢?」

他指,這幾個月粵劇界如常演出,彷彿與社會事件無關,印象最深刻是白衣黑幫在北角打人,但新光戲院仍然如常演出,「裏面有裏面演大戲,外面有外面抗爭,後尾戲院仲落埋閘添,咁開始諗粵劇除咗粉飾作用,仲有啲咩呢?」

另一位成員「無業遊民」指,粵劇不止是娛樂,曲目應要反映時弊,「譬如《竇娥冤》六月飛霜講冤案,講古代不公義;譬如《十奏嚴嵩》講以前貪官問題非常嚴重……而家粵劇反映唔到時弊,演藝界人士自己噤聲,有某種原因令自己唔敢企出嚟,怕得罪金主。」

他和幾位粵劇人籌組大戲版《榮光》時,亦要低調行事,「明明一個好理所當然,好理直氣壯做自由創作一件事,大家都要偷偷摸摸,好似一個秘密組織咁樣去統籌去策劃。」「白馬嘯西風」指,幸好很多專業人士義務相助,甚至不收酬金,「粵劇都有有良心嘅人,都係有人想發聲㗎。」

歌曲11月29日上載YouTube後,三日內逾十萬點擊率。團隊成員「呀遮」感謝網民支持,亦希望大家留意歌曲的粵劇元素,例如拋纓槍代表示威者冒槍林彈雨前進;武將背插的靠旗代表命令,比喻警察收政府指令清場;花旦在曲末撐起油紙傘與市民同行。歌曲技巧方面,運用數白欖、子喉和平喉等。

歌曲中段特別加插《肥媽有話兒》,並用拉腔技巧配合鑼鼓。「白馬嘯西風」說靈感來自電影《西遊記之仙履奇緣》,「其實就係受家英哥啟發,佢嗰首《Only You》呢,拉腔拉得好妙。」儘管網絡一片好評,但粵劇界並非個個欣賞,有人擔心政府遷怒業界,「戲行係好多人唔鍾意,佢哋好多話邊個做嘅?我哋要攞佢出嚟、搵佢出嚟。」

「白馬嘯西風」說,團隊希望憑曲寄意,鼓勵香港人繼續加油,「我哋創作係有自由㗎,我哋可以表達好多嘢,我哋可以連結返當下城市發生緊故事,粵劇可以唔係得一種。」

後記

記者接觸一位「篤灰」名單的粵劇從業員馬繁(化名)。馬繁說自己沒有參與任何違法行為,但近月行內瀰漫政治審查,例如演員在演出加插點評時事內容,會遭班主警告;有演員跟劇本讀台詞控訴古代衙差濫權,竟有觀眾覺得是諷刺香港警察,投訴演員提及時事。

馬繁說,自己從未在公開平台表達政見,對被標籤和杯葛感到無奈,「我已經係冇出聲,你仲要咁嚟搞我?」另一方面,一些老倌演出時加插撐政府或撐警察評論就沒有問題。馬繁認為,有戲曲主旨宣揚忠君愛國,亦應該有戲曲是歌頌自由,「大家都係表達自己意見。」

一格照片,一個故事,Follow蘋果Instagram!
BannerBanner