【理大攻防戰】葵涌警署守候女兒保釋逾20小時 家長:聽到要喺高橋落嚟真係嚇死

更新時間 (HKT): 2019.11.21 00:49

警方日前在油尖旺一帶拘捕大批民眾。警員亦一直未有透露被捕人士將遭帶往哪間警署,只稱或有機會是深水埗警署、葵涌警署甚至元朗警署。在葵涌警署等候保釋20歲女兒的母親、不願上鏡的J由昨早2時徹夜等待逾20小時,她坐在警署門外的摺椅上,臉容顯得份外疲倦。她坦言由得悉女兒被困於理大至今一直未能入睡,「而家我個腦都真係一片空白」。

J表示女兒在被困後一直有與自己保持聯絡,得悉女兒曾嘗試以不同方法離開理工大學都不果,當時心情忐忑得難以形容,「入又入唔到去搵佢,又幫唔到佢走。」她直言十分擔心女兒事後會被秋後算賬,但認同在實在無其他方法後,惟有跟隨曾鈺成等人自願離開,「我當時諗,秋後算賬都無辦法啦,最緊要平安無事,聽到佢話要喺條咁高嘅橋落嚟嗰下我真係嚇死。」

在知道女兒被困初期,J感到不知所措,得悉有一眾家長到校外靜坐就立即前往,表示:「同其他家長一齊等個心都好似定啲。」J透露當日曾有防暴警一度答應讓家長手牽手進入理工大學範圍,證明到為直系子女就獲准父母帶同離開,但未幾就「反口」,更施放催淚彈驅趕,令她感到不可思議,認為現時「都無咩辦法制止呢啲咁邪惡嘅野。」

J亦提到有份協助學生離開的監警會前委員鄭承隆今早有到場與在警署外留守的父母對話,承諾當日跟隨他們離開的學生一定不會受到不合理對待。她坦言:「要搵咁多咁有地位嘅人先確保到佢哋唔會俾人打,係幾荒謬,佢哋都有心嘅,不過有心係咪真係幫得到呢班後生仔。」

一格照片,一個故事,Follow蘋果Instagram!
BannerBanner