【抗暴之戰】警署聲稱未登記 被捕人士失聯絡 律師炮轟故意違規屬人道侵略

更新時間 (HKT): 2019.11.19 16:19

警方昨晚在油尖旺一帶拘捕大批民眾。有民權觀察義務律師向本報透露,警方昨天晚上7時起在佐敦一帶拘捕大批市民,並將他們押往尖沙嘴警署拘留。惟眾人雙手全遭索帶扣上,「頭嗰幾個鐘仲要係反手嘅」,直至凌晨才可將雙手放回身前,但仍要扣上索帶。當中有逾百人被困在同一間房內,坐在地上,「又凍又餓」,至今晨才獲發早餐。律師更指,警方以「未入機、未登記」為由,拒絕安排律師會見被捕人士;部份未成年被捕人士的家長奔走多個警署,仍未尋獲子女下落,質疑警方做法欠理據。有律師批評,警方做法極之錯誤,「唔單止係人道危機,直頭係人道侵略,因為已經發生咗,唔再係危機」。

有民權觀察義務律師透露,警方昨天晚上7時起在佐敦一帶拘捕大批市民,其中有85男79女合共164人被押往尖沙嘴警署拘留,當中有兩人年僅15歲。他昨晚親赴尖沙嘴警署,打算找尋被捕人士以提供協助,但警員卻指警署「爆晒棚」,加上被捕人士稍後或會轉送往其他警署,「送去邊又唔講」,故此被捕人士的姓名等資料「一直未入機、未登記」,欲救無從。

有未成年被捕人士已失聯差不多48小時

有被捕人士曾要求打電話聯絡家人或律師,但警員未有理會,只顧處理證物。而究竟被捕人士何時會分流到另一間警署,警員亦含糊其辭,「佢話條路塞晒喎,冇車嚟到,咪冇分流囉;但係出到去,其實都係得一條路封咗,而啲家長都可以接到啲細路返屋企」。

此外,警員亦一直未有透露被捕人士將遭帶往哪間警署,只稱或有機會是深水埗警署、葵涌警署甚至元朗警署,而非較就近的油麻地或紅磡警署,令家屬無所適從,疲於奔命。

該律師更透露,部份未成年被捕人士自本周日至今已差不多失聯48小時,仍然音信全無,警署只稱未有資料,而家長卻又未能以失蹤人口案件報警求助,「啲阿爸阿媽癲晒咁周圍搵仔」。律師質疑警方處理手法 。

羈留逾半天未安排食物 律師:好唔人道

及至凌晨3時許,有家屬得知被捕人士已被轉送往元朗警署,律師團隊隨即到場跟進,卻獲警員告知:「未入機,你慢慢等啦,你要mark時間咪mark時間囉,總之我哋都會逐個逐個做。」至此,被捕人士雙手仍被索帶扣上,更一直沒有進食,「好唔人道」。

對於曾否要求警方向相關被捕人士提供食物,律師直言曾嘗試要求警員跟進,不過,「佢話冇呢個人,因為呢啲人根本未入機。依家最慘就係,任何人打電話去,就算家人好、律師好,佢話未入機呢,咁就not in their system,即係冇得check囉」。

據知,有律師今早10時聯絡警署,希望可會見被捕人士,卻獲警員告知:「佢哋食緊早餐,冇得見住。」現時仍未知到底警員何時宣佈拘捕、以及以何種罪名作出拘捕。

未宣佈拘捕而扣留屬非法禁錮

律師陳惠源批評,警方做法極之錯誤。他指警方作出拘捕前,必須事先作出宣佈,「即係『唔係事必要你講』嗰啲」,而且亦要表明因何罪名而作出拘捕,「要係可逮捕罪行先可以,唔可以只係因為我掉煙頭或者違例泊車,就撳低我」。但他懷疑警員制服相關人士後,根本未有按規定執法,「依家好多時你見警察拉人嗰陣,經常只係講粗口,根本冇宣佈拘捕」。

陳又指出,警方最多只可扣查被捕人士48小時,故「未入機」等藉口,不會增加扣留時數。假若有警員「取巧」自言其實未曾宣佈拘捕,便屬非法禁錮;而且未宣佈拘捕便制服被捕人士,亦有干犯襲擊罪行之嫌。

陳強調,警方作出拘捕後,必須盡快將被捕人士落案並帶上法庭,否則便應釋放,「48小時扣留時間呢個規定,只係最多,唔係最少;呢段時間警方係要進行調查,而唔係畀佢哋用嚟入機」。

「話唔夠人查案,但係打人又有人手?」

陳又指出,羈留人士通知書劈頭第一項,便是羈留人士可尋求法律援助,致電與律師單獨通話,以及與警方會見期間安排一名律師在場。陳質疑警方或未有按規定將相關權利告知被捕人士。至於警方不時以「冇房」等理由而遲遲不安排律師與被捕人士見面,陳直指根本不是理由,「你政府無限資源,計過晒嘛,點解冇房就要我承受?況且6月至今已經半年,仲係得一兩間房?根本係故意違規」。

對於警方委任懲教署人員為特務警察,陳亦質疑:「你依家話唔夠人查案,咁點解唔加派人手查案,但係打人又有人手?」至於有傳媒引述新一哥鄧炳強指,上任的首要任務是保護同事,陳笑謂:「成立警隊嘅目的係保護警隊?咁邊個保護市民?」他更謂警隊誓詞中有一句「不徇私」,「咁假如保護市民之前,要保護警員先,咁又算唔算徇私呢?」

記者 楊家樂

一格照片,一個故事,Follow蘋果Instagram!
BannerBanner