【蘋聞追Click】和理非疑被篤灰!起底擺上微博欺凌 內地網民:香港應有一次文革

更新時間 (HKT): 2019.11.03 00:02

反送中運動為時近5個月,白色恐怖陰霾除籠罩職場,更波及「和理非」的日常生活。有港人疑被內地朋友「篤灰」,截下其facebook反送中帖文的圖片,再附上其個人資料發予內地一名「KOL」在微博公開。有關微博帖文迅即獲過萬讚好,該港人亦在社交媒體受到不少疑似假賬號滋擾。

記者 周詠雯

「喺知道自己俾人起底之前,都覺得有啲古怪」。九月初阿言(化名)已在facebook收到不少陌生人的訊息,內容圍繞「死廢青」、「黃絲」、「暴徒」等字眼,當中不少看上去是新開的賬戶。突然被網民盯上,阿言起初感到奇怪,「我本身都唔係一個公眾人物,只係一個好普通嘅人」。不過,阿言再細想後,心底裏也略猜到一二,因他曾經到內地留學及實習,結交不少內地「朋友」,懷疑因此被篤灰,但當時仍是一笑置之。

直至有朋友告訴他被起底,並已在微博瘋傳後,阿言才知事態嚴重。「打咗個突,啲個人資料俾人擺晒上網,大大隻字咁寫晒喺度」。該名微博網紅有逾270萬追隨者,帖文公開阿言的履歷,亦找出其畢業論文、LinkedIn賬戶資料及個人照等等。帖文亦有公開他在facebook上對現時香港局勢的言論,包括「年輕人犧牲前途抗爭,港人不應放棄」及批評警方因浸大學生會會長方仲賢購買觀星筆而拘捕他。有關帖文在facebook的設定,是「僅限朋友觀看」,阿言懷疑是被「朋友」篤灰。

帖文上載兩三日後,已有過萬人讚好,轉發次數逾700,留言者過千。有網民稱阿言「想出位!就滿足他的願望」,並預祝阿言「舉國聞名」。由於帖文亦有提及阿言曾在內地留學,不少網民均留言指摘阿言「不分青紅皂白、讀屎片」,又有網民認為阿言「以為自己是天之驕子,誰知道來到內地毫無優勢」,之後便變成「極端的反內地」。更有網民留言稱「覺得HK應該經歷一次文革」。

「網軍好多講嘅嘢都係情緒發洩、無理指控,或者係一啲天馬行空嘅陰謀論,我真係覺得創作力量同幻想會嚇你一跳。」阿言道。不過面對網軍「大軍壓境」,阿言亦將微博、微信及LinkedIn賬戶刪除。facebook賬號亦曾「大清洗」,換掉賬戶照片、改掉facebook用戶名字,並重新審視朋友列表中的所有「朋友」,「將無交流或者覺得會篤灰嘅人清走」。免除網軍騷擾之外,亦希望事件不會波及父母及家人。

不過,阿言並無因此噤聲,認為言論自由是天賦人權,「如果我自己都噤咗自己聲、自己跪低嘅話,咁就會少一個香港人去捍衛應有嘅權利」。阿言續指,自己的言論只屬和理非級別,講述自身立場及分享所觀察到的事,「至少有200萬+1嘅人都會有同我相同嘅立場……咁唔通每個人都係港獨分子亂港暴徒咩?」

阿言直言,早在2008年北京奧運時,「簡直就有強烈嘅民族認同感」,但當年紀漸長,便知道中國與香港之間對於民主及人權等議題「有非常大嘅鴻溝」,又認為中國政府以強硬手段企圖臣服港人,「剝奪咗我哋免於恐懼嘅自由,就會了解到點解香港人嘅情緒同埋反感會咁大」。阿言又批評此等內地網軍「話就話係同胞啦,咁究竟其實佢哋有無真正咁樣了解過香港呢?」並坦言現時不少人的社交圈子已重新洗牌,他亦不再踏足內地。「喺暢所欲言嘅時候,我覺得都應該要好好保護自己,保護身邊嘅人」。

一格照片,一個故事,Follow蘋果Instagram!
BannerBanner