【美國直擊】參議員關注示威暴力升級 黎智英冀美多發聲令青年面對警暴不孤單

更新時間 (HKT): 2019.10.22 16:10

記者 梁穎妍華盛頓報道

黎智英於香港時間周二清晨由三藩市轉抵華盛頓,並聯同在美港人組織Hong Kong Democracy Council(HKDC)總監朱牧民及香港大專學界國際事務代表團發言人張崑陽,一同會見4名共和黨參議員,包括戴恩斯(Steve Daines)、楊恩(Todd Young)、珀杜(David Perdue)及薩斯(Ben Sasse),會面約一小時。

黎智英會後表示,席間主要談及香港最新形勢,「佢哋關注、擔心香港暴力升級,好concern,想我哋維持喺唔好咁暴力情形下抗爭」,黎指對方重提馬丁路德金的例子,「去到尾贏都係non violence(非暴力)」,冀以非暴力保持道德權威。他指,對方沒有特別提出甚麼暴力行為,但有關注投擲汽油彈的情況,黎向對方表示情況有所和緩,對方亦表示留意到。

黎又稱,有向參議員表示應多作呼籲,讓年輕示威者在面對巨大警暴問題下不會感到孤單,「最緊要覺得有你哋嘅support;有你哋嘅support,佢哋(就)唔會咁易走向暴力」,認為外國支持可幫助示威者保持理性。

至於《人權法案》,主要推動法案的參議員魯比奧上周曾向傳媒表示最快本周或下周初表決,黎稱,會上未有太多着墨討論法案,因為審議在即,參議員會相對謹慎,「未到前唔會show hand,唔會講咁多嘢」,認為對方對法案的估算「心中有數」,故他訪美之行亦不是重點推動法案,反而希望國會持續關注香港,「香港事情上講多啲,包括同大陸交往上,任何政治表述都講香港」。

黎重申,美方支援香港的主要原因是在於反修例運動反映中美的價值衝突,「覺得件事都係佢哋(美方)嘅事嘅一部份,就唔係淨係香港,佢support香港因為有價值衝突,美國同中國嘅價值衝突,佢哋support香港都等於support佢哋呢個立場(西方價值)」。

有份參與會面的朱牧民則透露,與會參議員都有表達只要示威維持非暴力都會繼續予以支持,他亦向對方表達,參議院通過《人權法案》的重要性,除此之外,在社交網絡發文等直接表達對香港示威者的支持都很重要,可提升香港人抗爭士氣。

正聯同IAD其他成員在華盛頓參與活動的張崑陽亦有參與今次會面,張指,席間與會者都有向參議員強調和平示威雖有重要性,但在警方先發起暴力之下,示威者不單止保護自己,並有強烈無力感才會作出暴力行為,亦重申不割席原則。他指在席參議員亦憂心年輕人為何不惜代價抗爭,又關注前線示威者的組成,故他向對方反映,前線不乏有識之士,「care嘅唔止物質,係追求自由民主價值」,張直言參議員若支持「以武制暴」反而奇怪,支持非暴力是正常之事,不認為要全面退場,認為目前大部份暴力行為對美方而言仍屬可理解範圍。

他認為香港人不應妄自菲薄,「美國梗係有佢利益,策略上幫助香港制中(制裁中國)」,但法案推動多年至今年才有望成功,主因是反修例運動,「過去幾個月創造有利條件,令條bill可以過,政治冇可能撇除利益,但唔係香港人創造咗土壤令全世界都關注香港,唔會有咁嘅國際空間」。

一格照片,一個故事,Follow蘋果Instagram!
BannerBanner