【區選光復香港●大埔】區政聯盟4人撼民建聯 斥建制派未於衝突現身保護街坊

更新時間 (HKT): 2019.10.09 16:22

大埔區議會在建制派佔據多數議席下,民主派早前不但被禁止討論「送中」條例引發的社會問題,連不滿該區議會主席、民建聯黃碧嬌主持會議手法不公而提出的不信任動議,亦遭建制派以「搞流會」方式阻止討論。民主派地區組織「區政聯盟」大埔團隊成員,包括現任區議員區鎮樺,以及3名社區主任區鎮濠、文念志和姚鈞豪,今午正式報名參選大埔區議會選舉,硬撼4名民建聯對手,希望聯同其他民主派人士,爭取大埔過半議席,令民主派取得區會控制權,阻止建制派「有要通過嘅嘢舉手就過,唔鍾意嘅嘢就發動流會」的議事作風。

將在大埔中選區爭取連任的區鎮樺指,由於過去多次選舉都是硬撼建制派最大政黨民建聯,他指聯盟成員已駕輕就熟,並相信現時的社會形勢下,會對民主派選情有利。他又指,過去數月見到建制派明顯減少地區工作,近日大埔區內出現衝突時,亦未見建制派議員和社區主任現身保護當區居民,「我相信居民的眼睛係雪亮嘅,究竟邊啲人真正為大家服務,邊啲人真係為大家捍衛權益,佢哋係會清楚,所以我哋唔擔心﹙選情﹚呢樣嘢」。

大埔區議會現有19個議席,另有兩席是鄉委會當然議席,即共有21個議席,現時民主派21席中只佔6席,建制派則有多達15席。區鎮樺希望,民主派的議席能如上屆般增加一倍,「咁民主派就可以過半」。而現時大埔區選中,民主派和非建制派人士合共派出17人參選,他指:「所以今次大埔居民絕對係有得揀嘅,大家肯願意出嚟投票支持民主派或者非建制派候選人,絕對有機會過半﹙議席﹚」。

一格照片,一個故事,Follow蘋果Instagram!
BannerBanner