【逆權運動】「香港人加油」打氣國泰機師 與另一機師禁飛中國空域

更新時間 (HKT): 2019.08.23 20:15

國泰航空在反送中浪潮中受內地民航局打壓,多名機師先後離職或被炒。商台節目《在晴朗的一天出發》透露,最少兩名國泰機師駕駛航班返港,由於回程需途經內地空域,結果該兩名機師被禁飛,「係連內地空域都唔入得」,最終他們只能以乘客身份返港,當中包括早前在機艙內,以廣東話向乘客說「香港人加油,萬事小心」的機師。國泰未有正面回應是否有機師被禁飛,僅表示轄下航班正常運作。

白色恐怖瀰漫整個航空業界,商台節目《在晴朗的一天出發》主持人在節目透露,接獲消息指,有一名國泰機師由香港飛往美國,但由美國返港時遭內地民航局拒絕途經內地空域,「飛去美國冇問題,但返嚟嘅時候就唔飛得,因為內地民航局唔畀佢飛返來」。他指出,因為由香港飛往美國的航線,主要經太平洋,包括台灣、日本、俄羅斯及加拿大,最後才到美國,「香港機師揸飛機去美國唔需要經過內地空域」。

不過,該名機師由美國返港,航線由美國飛去加拿大、北極、俄羅斯、再經內地返香港,「香港絕大部份飛美國嘅客機,回程一定要經內地空域。」而據其了解,內地民航局拒絕該名機師途經內地空域,「內地民航局話唔畀....你只可以用乘客身份返香港,最終國泰要搵第二個同事過去揸番架機返來。」他又透露,該名機師目前仍在美國,擔心返港後,國泰會要求他離職,「嚴重性係嗰個機師好大機會要揸長途、經常飛去美國,如果佢由呢一刻開始,唔可以再飛內地空域,佢真係唔使做,因為不少航班必須經內地空域,如果佢唔畀你飛,咁返工揸啲咩?日日淨係飛台灣?」

主持人又透露,接獲消息指早前被離職的國泰「香港人加油」機師,同樣曾由香港飛往紐約,但返港被拒,「飛去冇問題,因為唔經內地空域,但返香港時,因為內地民航局唔畀佢飛,佢要用乘客身份返香港。」

-----------------------------

8.31五周年民陣再集結

一格照片,一個故事,Follow蘋果Instagram!
BannerBanner