【逆權運動】街坊聲討克警射爆眼 港媽:5歲仔見到警察會驚

更新時間 (HKT): 2019.08.18 15:58

過去兩個月反送中運動衍生出的警暴問題,民陣今日(18日)發起維園集會,要求「煞停警黑亂港 落實五大訴求」,不少市民全家總動員出席,促請政府盡快回應,有小童看過不少警暴影片,對警察「周圍打人」感到不齒,認為警察現在的形象是傷害而非服務市民。

顏小姐帶同7歲及5歲的兒子在維園現場派發單張,該單張內容是一個名為「#CarrieLamDoSomething」的活動,「呢個活動係想香港人拍條片或者影張相,去同林鄭講啲嘢,然後叫佢做番啲嘢,希望一傳十、十傳百令佢知道民意係點」,她指過往都有帶同兒子出席反送中遊行,但派發傳單則是第一次,「今日知道會多香港人參與」。作為母親,顏小姐表示看到近日警察濫暴情況升級很不開心,「8月11號晚睇住直播係好唔開心,第二日都入咗機場」。顏小姐指,兩名兒子看到近日發生的情況都會感到不開心,「細仔見到警察會覺得驚」。

7歲的兒子Avery表示,今日出來集會是希望林鄭能還給港人一個自由的香港,看到近日在香港發生的事情,Avery感到不開心及憤怒,「因為啲警察係咁周圍打人」,坦言現今見到警察都要避開,「媽咪話如果唔見咗媽咪、爸爸都唔好打畀警察,要打番畀媽咪同爸爸,因為依家啲警察係唔會嚟幫手,係不斷去傷害市民」。

屯門居民郭太一家四口一同出席集會,當區民居範圍亦曾遇過催淚彈「洗禮」。她怒指政府警方聲稱行動時要巿民待在安全地方,「但係而家香港邊度仲係安全?係咪要全港人入晒去禮賓府先安全?嗰度就一定唔會放催淚彈啦。」

深水埗居民陶女士表示,當日回家時有人在街上燒衣後遇到警方放催淚彈,一眾街坊其後到樓下聲討警方不當行為,不滿警方多次在民居亂射催淚彈。她認為警方做法過份,「深水埗咁多橫街窄巷,同埋當日其實好多排檔、舖頭都未關門,啲催淚彈好大影響。」

簡先生亦帶同10歲兒子和一家人及朋友,帶了多個眼球圖案的汽球到維園集會,其目的是要批評警方胡亂開槍,射爆了一名少女的眼球。他又批評警方使用過份暴力,受傷女子亦只是走在一旁,「佢又唔係衝擊,點解要射佢哋?」他又指,警方在港鐵站近距離射巿民、元朗無差別打人事件又遲遲未檢控,但不少街坊「咩都無做過又畀人拉」。他坦言自己早前曾到深水埗逛街,都「食過催淚彈」,他指自己當時離衝突現場甚遠,但已感到面部刺痛、流眼水、喉嚨乾涸等,他立即逃離現場並用水清洗面部,他坦言警方「見人就射,甚至無人都舉旗,發射催淚彈,對住巴士同的士都舉旗射。」

他的10歲兒子俊民則是第三次因反送中上街,他稱自己走上街是因為警察無能,攻擊無辜市民,令無辜市民入罪,「如果我哋唔幫佢哋,佢哋就會永遠坐監。而黑社會威脅佢哋(警察),所以佢哋(黑社會)做錯嘢都唔拉佢」。他坦言遊行即使熱都沒有所謂,希望幫到其他示威者。

一格照片,一個故事,Follow蘋果Instagram!
BannerBanner