【智者反送中】倪匡都係《蘋果》粉絲 仲睇CCTVB係你白癡

更新時間 (HKT): 2019.08.13 00:06

不知道是幸或不幸,反送中運動令幾乎要在香港消失的新聞自由,再次回到公眾關注的焦點。通過在場記者鏡頭,一幕又一幕抗爭畫面,傳到未能親身參與運動的觀眾眼前,包括今年已84歲、不良於行的倪匡。人老精,鬼老靈,思維依舊敏銳的他每天讀報一份半,又上網吸收不同評論觀點,更識得過濾資訊,「我唔睇無綫一啲損失都冇。」

「呢排記者仲辛苦過差人。」講起近日的新聞工作,甚少出門的倪匡突然爆出一句,在場記者與攝記無不點頭認同。雖然無法前往抗議現場,但倪匡每日均會從報章及電視中吸收最新的時事消息,無論是包圍警署抑或雷射筆當武器無所不知,貼地程度不遜天天「夢遊」的你我他,自然了解前線記者的艱難與兇險。

倪匡表示,自己現時天天讀報一份半,一份指的是《蘋果日報》,主要經網站看日報與即時新聞,當然最困擾長者的收費問題還是得靠後輩解決,「有排無得睇,珠女(倪匡乾女兒)幫我搞掂啦」,餘下半份則是《東方日報》,「其他我唔想睇嘅廢話我咪唔睇囉,譬如話財經啊娛樂啊,我完全冇興趣點會睇佢」。問到《蘋果》也有財經及娛樂為何也算一份,他笑說:「我唔睇㗎,但係我《蘋果》睇得多吖嘛。」

電視方面,不要以為他會是「大台」粉絲,倪匡稱自己只看有線電視,「唔睇無綫幾廿年啦。」追問原因,一聽以為自己瞬間回到抗議現場,「我覺得你睇無綫,唔係無綫攞你當白癡,係你自己攞你自己當白癡,你自己有乜理由攞你自己當白癡呢真係。」

既然會上網,自然也會留意網台節目。倪匡稱運動爆發以來網上至少冒出20多個不同的評論人,「個個都扮專家口面」,固定追看的也有幾個,例如前立法會議員黃毓民的節目,皆因網上世界無限制,可以多聽不同方面意見,「我認唔認同我都睇吓,有啲預測家測咩都唔準嘅我都睇吓。」

隨住反送中運動展開,市民開始留意現時香港媒體染紅問題。倪匡指出,早在5年前佔中時,見到大部份媒體均支持運動,已預計共產黨會全面收編,甚至更進一步,「遲早有封報紙嘅行動,一定㗎,封報紙管制網絡,一定有呢啲行動。」但他認為大眾媒體也許有方法禁絕,但唯獨網絡始終無法禁止,「喺大陸都冚唔到,人哋可以爬牆可以跳海可以睇。」

說了半天,倪匡才發現自己居然沒有咳嗽。今年已經84歲的他身體每況愈下,自稱與香港一樣已「死了九成」,近期更疑似患上皮膚癌,「一撻細細地嘅皮膚病,我前後睇咗7個專家,兩個話我係cancer,兩個話我係濕疹,非但醫唔好,越醫越古怪,而家真係古怪到好似封神榜一樣啦真係。」英雄遲暮,他懷念的卻是與人爭吵點滴,「傾得埋嘅可以討論到、可以爭得面紅耳赤嘅、可以完全唔怕得罪對方,可以講到咁樣嘅朋友冇咗啦,所以惟有同你哋班𡃁仔𡃁妹傾吓計。」

伴隨陣陣笑聲,智慧老人心態豁達得很。

記者 佘錦洪

一格照片,一個故事,Follow蘋果Instagram!
BannerBanner