› 選擇地區
三藩市
紐約
洛杉磯
其他美國地區
香港 台灣 北美
 
2015年03月16日

為份工勁發牢騷
激親伴侶點算好

不少人都因工作而滿腹牢騷,那麼誰會聽得最多?應該是伴侶吧。但若其中一方說話欠缺技巧,便容易傷感情。下列情況可供參考:

1.「好攰呀!唔撈喇!」
如果你的伴侶說了這句任性的話,你又不經大腦的回答:「唔想做咪辭職囉!」便很易換來一句:「咁你養我呀?」所以為了替對方減壓,其實不妨說句:「返工咁攰,我幫你按摩一下吧!」保證對方馬上開心起來。

2. 「好多人都升職」
看到身邊不少人都升職加薪,失落感油然而生,希望自己會被賞識。如你想鼓勵或安慰對方,可以說:「你咁畀心機,升職實係遲早嘅事,下個到你架喇!」

3. 「阿邊個,係我見過最醒嘅人」
在家誇獎你的同事或上司,尤其在自尊心較強的男人面前這樣說,容易令他心生嫉妒。女士們若見到另一半面色有變,不妨補句:「如果你响度,實叻過佢!」

4. 「唉,唔識做呀!」
伴侶工作了一整天,單憑這句話就想暗示人幫忙,對方可能會因太隱晦而不明白,令你失望。如換一種表達方式,撒一下嬌:「唉,呢度唔明呀,可唔可以幫幫我呀?」刺激起他英雄氣概,或她女強人的一面後,你的煩憂就會很快被消除。

5.「好多嘢做呀,咪煩我!」
工作狂最容易與愛人不合,尤其是在家時仍不停講電話及處理文件,雙方便容易吵架。如果真要在家處理工務,最好先抽少少時間陪對方,不然也可主動要求對方陪自己工作:「親愛的,我要做一陣嘢先,但唔捨得你呀,可以陪我一齊做嗎?」對方必然冧爆。

綜合報道

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載