蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月26日

萬人上街四周年 禁粵政策重來
廣州民間傳媒人 倡定「粵語日」

保護廣州話,刻不容緩!四年前7月25日上萬人聚集廣州街頭「撐粵語」,四年後,當局禁粵語的政策捲土重來,來勢更兇。廣州民間本土文化網站羊城網,昨倡議將每年7月25日定為「粵語日」,籲所有粵語人一齊撐:「有你撐住,粵語一定唔會衰!」

相關新聞:新聞頻道改普 滅粵之心不死

「只要係母親教畀我哋嘅語言,就值得我哋珍視……」羊城網呼籲,以粵語為母語的人都有責任同義務去保護自己的語言文化。該網主編兼創辦人小勞(勞震宇),是土生土長廣州人,他昨受《蘋果》採訪稱:「唔好認定方言就應弱化、粵語是低等語言。粵語文化歷史內涵非常深厚,我哋想通過紀念這日子,普及呢個觀念。」
「粵語日」倡議書包括五張以黑板粉筆字構圖的廣告,展現粵語優雅、醒目、風趣、傳神一面,譬如球星David Beckham粵語譯音「碧咸」,比普通話「貝克漢姆」簡潔;足球除「射」在廣東話裏有「斬、片、炒……」等普通話裏所沒的傳神表述。廣告還用了繁體字,正職從事廣告及公關的小勞說:「正體字字形首先比較優美,粵語書面化我覺得用正體字更合適。簡體字內很多粵語字眼係表達唔到出來。我哋係要保護中華文化的多元性。希望大家在網上轉,所有講粵語的人都轉一次嘅話,已經好了不起。」

創廣告展現粵語優雅風趣

「最好每一日都係粵語日!」內地微博上反應熱烈,facebook上有不少香港網友轉載:「無理由唔撐,我唔想有日無綫新聞用普通話做廣播。」
廣東推動新一輪「規範語文」運動,上月底廣東電視台「正點新聞」改為普通話廣播;佛山更明令禁止政府機構、媒體、學校甚至餐廳等使用粵語和繁體字。
小勞認為粵語生存空間早在不知不覺間已縮得很窄:「廣州好多公共服務都唔提供粵語了;又比如我哋去吃飯買嘢,好多時只能講普通話,因為服務你嗰個,根本唔識聽。」偏頗的語言文化政策,令下一代對粵語越來越陌生:「好多學校將推行普通話誤解成『只能講普通話』。授課講普通話,甚至要求小朋友溝通、返屋企同家長都要講普通話……話擔心講得粵語多,會令普通話唔正。我認為係偏見,新一代廣州青年普通話水準絕對高過全國平均。」
內地微信昨下午已過濾粵語日相關訊息。被問到會否擔心受打壓,小勞說:「冇咩壓力,我哋又唔喺煽動大家做壞事。」他多次強調倡議與四年前萬民上街無關:「揀7.25呢個日子純粹心血來潮。粵語日唔係咩悲情日子,我希望可當成節日去慶祝。」以「與廣州人同聲同氣」為口號的羊城網2000年創立,多次推動本土語言文化保育,又曾設計《碎粵神偷》海報及《舌尖上的粵語》、《穿粵時光機》等短片。
《蘋果》記者

相關新聞:廣西推普10年 南寧白話消亡

小勞小檔案

真名:
勞震宇
年齡:
35歲
學歷:
廣州大學法學系畢業
家庭:
生於小康之家,祖父是民國時廣州建築師、廣告畫家勞志成
經歷:
網易羊城故事版版主,中華網廣州站社區管理員,2000年和網友創辦羊城網友周刊,2004年更名羊城網
工作:
曾任職新浪網廣東站、廣東省廣告有限公司、藍色遊標傳播集團,現經營藍龍互動傳播機構

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載