› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

【花生蘋台】港澳辦話有「恐怖主義苗頭」 要香港學新疆式維穩?

建立時間 (HKT): 0814 00:02

港澳辦前日喺3星期內第3次開記招,首次以「恐怖主義苗頭」嚟形容近期反送中運動嘅趨勢。所謂「苗頭」,其實係小農社會嘅用語,主要用嚟描述種子播種後到發芽生長前嘅狀態,中國古代文人好早就用嚟形容事情嘅「端緒、預兆或因由」。而中共就好鍾意用「消滅於萌芽狀態」,嚟形容佢哋鏟除一切潛在威脅嘅手法。港澳辦依家講話香港出現「恐怖主義苗頭」,似係想安插緊啲罪名落香港反送中抗爭者身上,相信克警收到order會好快改口,兼且更加重手打壓示威活動,亦為北京介入香港「止暴制亂」鋪定路。

相關新聞:【逆權運動】親述8.11喬裝警暴行 銅鑼灣逃脫者:特登打我哋 製造黑衫內訌畫面

有時事評論員就爆料指,自雨傘運動後,有克警出身的保安局高層不時帶隊,到新疆同當地武警交流,除咗去睇「洗腦」再教育營外,重頭戲就係「觀摩」當地打擊恐怖主義活動嘅維穩手段。咁奇怪?新疆與香港,無論喺經濟、社會同文化層面,有好大差距喎,呢啲咁嘅交流活動,真係俾到香港嗰啲官員學到嘢?唔通北京真係想要將喺新疆用緊嘅高壓式穩維手段,搬嚟香港用?

不過話時話,內地近幾年以打擊恐怖主義名義,實施高壓式「維穩」管治,的確係從新疆開始。2014年4月30日,新疆烏魯木齊火車站發生恐怖襲擊,造成3死79傷。有傳,當日係仲未「永續稱帝」嘅習總在當地巡視嘅最後一日,有關疆獨分子企圖暗殺一說,更一度甚囂塵上。

相關新聞:【你問我答.精華】克警黑社會夾攻下 社運前線First Aider:行得出嚟預咗有風險

事後,北京積極反恐,並且高調宣傳習總喺新疆巡視時所作出嘅指示:「對暴力恐怖活動,必須保持嚴打高壓態勢,先發制敵,露頭就打,打早、打小、打苗頭,以迅雷不及掩耳之勢、用鐵的手腕予以毀滅性打擊,堅決把暴力恐怖分子囂張氣焰打下去,以震懾敵人、鼓舞人民。」簡單啲講,用番中共慣常用語,就係「消滅於萌芽狀態」,而「打苗頭」之後亦不斷咁喺中共官方嘅宣傳中出現。跟住北京極速制定及審議《反恐法》,仲喺2015年12月由全國人大常委會通過。

前年2月,中共新疆自治區黨委書記陳全國,曾作出有關4點維穩要求,包括「警鐘長鳴不放鬆」、「堅決打好組合拳」、「改善民生聚民心」及「快速處置出重拳」。根據香港時事評論員劉細良嘅分析,若將呢啲手段搬嚟香港用,就係指做好情報、防預工作,軟硬兼施多方面打擊抗爭者,用經濟倒退、民生惡化等說法嚟恐嚇香港人,再用派錢大搞福利嚟箍實民心或搞分化,仲要重拳鎮暴,盡快將核心抗爭者定罪判刑以儆效尤。呢啲根本就係近日特區政府嘅所作所為,效果如何,大家有目共睹!

不過,睇番過去外媒對新疆嘅報道,呢啲所謂「維穩」嘅高壓手段層出不窮,但當地情勢似係越維越不穩定。早前更傳出新疆某處派出所警員,疑似因情緒失控,槍殺3人後再開槍自殺。有專家就指,北京官方高壓嘅統治方式,已經令當地官員嘅忍耐到達極限,一旦生活出現變動,往往導致悲劇發生。依家傳出北京邀請,香港官員去當地考察,係咪真係想喺香港搞咁高壓嘅管治?再諗深一層,「壓迫越大,反抗越大」,香港好學唔學,走去學新疆?係咪想靠害呢?

雖然《反恐法》現在不適用於香港,但喺2016年旺角騷亂後,有港區人大代表,曾建議將《反恐法》以基本法附件三方式納入香港法律,以適用於香港。會唔會再有人咁樣提出,大家應該密切注意。以中共過去做事嘅邏輯,港澳辦發言人嗰句「恐怖主義苗頭」,除咗係恐嚇外,相信會係為咗未來留有一手做定準備。嚟緊廣東公安廳同香港警察應該會喺反恐層面,有更多嘅交流同合作,相信會越做越公開。

北京怕出動解放軍太過敏感,但會唔會有可能透過粵港警務合作方式,派武警嚟港協助「止暴制亂」?大家唔好忘記,今年2月國務院公佈嘅《粵港澳大灣區發展規劃綱要》,有關深化社會治理方面嘅建議,其中有關警務合作,就曾被一些學者指,係為內地公安來港「深度融合區」執法埋下伏筆。近幾日,網上已不斷流傳多段影片,指喺深圳市有大批武警人員及防暴裝甲車集結,進行多次反恐及防暴演習,部份影片仲配以英文及繁體字,擺明係要畀香港人睇。喺不久將來,粵港澳會唔會有跨境嘅反恐防暴演習,真係好難講?一旦真係咁樣發生,呢個代價將會好大好大!

花生評論員
-----------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

【逆權運動】親述8.11喬裝警暴行 銅鑼灣逃脫者:特登打我哋 製造黑衫內訌畫面 【你問我答.精華】克警黑社會夾攻下 社運前線First Aider:行得出嚟預咗有風險 【逆權運動】屯門50街坊晚上為「惡人」作法 高喊「收嘢啊何君堯」 【逆權運動】被「取消」航班偷偷復飛 旅客空姐齊轟機管局鬼祟 【逆權運動】拔槍警疑襲擊零裝備女子在先 警記招播「河蟹」片 反斥網片「斬頭斬尾」 【逆權運動】希拉莉推文聲援 撐港示威者「爭取免於壓制的自由」 【逆權運動】引情報指中國調兵到港邊境 特朗普冀事件和平解決無傷亡 【逆權運動●不斷更新】機管局申臨時禁制令 設集會區但禁市民進入 【逆權運動】鹵莽警涉靠害初生B!疑催淚煙薰衫 一着周身紅腫出疹 【逆權運動】官媒混入抗爭者當中 《環時》微博證實記者身份 【逆權運動】良心私隱署員工爆克警特權!特設專隊查起底 狂逼社交網刪帖違慣例 【逆權運動】美參議員警告華勿鎮壓示威 否則港失特殊貿易地位 【逆權運動】《衞報》:機場關閉成為國際新焦點 全球也感受到影響 【逆權運動】中國如出兵香港 德智庫:西方制裁能力有限 【逆權運動】網民籲「組團赴港打廢青」 港澳辦中聯辦譴責圍《環時》記者 【逆權運動】四大地產商、國泰登報籲停止暴力 恒地、新地齊撐警 【逆權運動】港主管被指欺凌愛國內地下屬 民生銀行急發聲明表忠 【逆權運動】警責市民「有情緒」阻辦案 太和街坊公開CCTV揭真相 【逆權運動】根本原因在民怨未消 柯文哲勸北京:勿讓六四重演 【逆權運動】理大生邀校長滕錦光公開對話 促禁警入校園保護學生安全 【逆權運動】旅遊業界憂圍機場事件內地發酵 將為港帶來「寒冬」 【逆權運動】CNN評論:香港已到無法回頭地步 林鄭採鴕鳥政策 推警察應對示威者 【逆權運動】前線急救員612後患創傷後遺症 重組荃灣斬人現場:黑社會都會救 【逆權運動】銀髮家長隻身擋示威者與警方衝突: 為人父母唔好坐冷氣房 企出嚟保護細路! 【逆權運動】被捕者疑遭警遞飲廁所水 陳浩天籲8.16「全民提款」癱瘓銀行系統 【逆權運動】英外交委員會主席︰港人應獲賦英國籍 「一國兩制和基本法不是想改就改」 【逆權運動】泰軍方考慮派飛機 撤走滯港國民 【逆權運動】「催淚彈放題」波及寵物 獸醫協會表關注(附處理方法) 【逆權運動】港鐵車長遞聯署信批管理層草菅人命 限周五前回應訴求否則拒執行職務 【逆權運動】付國豪身份惹揣測 信用卡用另一個名 【逆權運動】連登仔8國語言機場道歉 90度鞠躬冀旅客諒解「公民不服從」 【PetPet有嘢講 Video Talk】動物中咗催淚煙點算好?獸醫教你點自救 【逆權運動】律敦治鄧肇堅醫護集會 斥警暴濫暴行為令港陷人道災難 【逆權運動】「軍車集結深圳灣」 軍媒暗喻抗爭者係蝗蟲:秋天會絕迹 【佔中案】倒數50天 邵家臻10.3出冊:很快歸隊 大家頂住 【逆權運動】指警曾喬裝惹示威者猜疑釀機場暴力 民主派相信年輕人不會重犯 【逆權運動】7個教育團體遞聯署信促楊潤雄與警割席 關注組:撐學生罷課不罷學 【逆權運動】內媒避談「公安遊客」徐錦煬 疑似被河蟹 【逆權運動】建制批機場示威者符恐怖主義 拒評元朗恐襲 促公營機構仿機管局申禁令 【逆權運動】泰國擬包機接國民離港 英美未表明會否跟隨 【逆權運動】港大取消今年開學禮 學生會稱首次:疑與政治氣候有關 【逆權運動】國台辦指係幕後黑手 民進黨主席卓榮泰:沒有這能力 【逆權運動】349屯院內科老人科醫護實名聯署 譴責克警草菅人命 【逆權運動】中國記協發聲明 讚《環時》記者陷險仍「支持香港警察」 【逆權運動】警方聲稱昨無喬裝成示威者 機場警蒙面因「急召」到場 【逆權運動】同情示威者遭內地朋友舉報 港傳媒人被迫棄上海多年心血 【向強國跪低】國泰解僱2機師 被控暴動未審先炒 po駕駛艙相勉抗爭者都被祭旗 【逆權運動】大埔冰室被指遊行時拒黑衫幫襯 員工認有其事:我們沒有立場 都是求錢 只是怕意外 【逆權運動】拒認「特事特辦」查警察起底投訴 私隱署:因循行事只會流於「離地」 【逆權運動】戒茶飲指南!多間茶飲店彈入又彈出 一片睇晒染紅台飲店名單 【李八方online】白鴿黨促辭職明志 羅致光堅持不「割席」 【逆權運動】警煙攻港鐵車長街坊 運房局長拒致歉 獨向機場客say sorry 【逆權運動●採訪手記】警記者會首禁記者追問!疑欽點多間中共喉舌搶Q 【逆權運動】警深水埗鬧市又狂放催淚煙!攻入民居 途人猛咳 毀小店食材 【逆權運動】形容示威者「老鼠屎」 央視:秋後螞蚱再折騰也徒勞 【逆權運動】美眾院外交委員會領袖稱 中國鎮壓和平示威將是錯誤 【逆權運動】劉曉波生前好友廖亦武:年輕人從紀念六四獲得啟發 【逆權運動】香港應穩定時局 馬英九:否則萬劫不復 【逆權運動】機管局禁制令下設示威區 大律師提醒要視乎活動是否合法才可進入 【逆權運動】內地網民怒剪通行證拒來港 連登仔:早作廢啦 【逆權運動】買「外國勢力」怕?外籍人士成功破保安防線搭機鐵 【逆權運動】30名街坊將軍澳警署外燒衣撒溪錢 【逆權運動】200市民天水圍警署外燒衣 防暴警拘捕至少8人 【逆權運動】涉8.11尖沙嘴非法集結今提堂 城大生投訴遭警壓斷前臂骨 【逆權運動】年輕示威者被打爆門牙臉壓地需縫3針 被控襲警准保釋
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載