› 選擇地區
三藩市
紐約
洛杉磯
其他美國地區
香港 台灣 北美
 
2019年07月10日

【花生蘋台】奶媽跌入「塔西佗陷阱」 講施政改革根本係廢話

最後更新: 0710 18:45 / 建立時間 (HKT): 0710 06:00

(新增:內容)奶媽自本月2日凌晨4點幾走出嚟,譴責七一那夜反送中示威者暴力衝擊立法會大樓後,「神隱」咗成個禮拜,噚日再走出嚟見記者,原以為佢會有咩驚天動地嘅公佈,點知又係炒冷飯,頂多話修法工作已經「壽終正寢」。至於佢講嘅所謂施政改革,就完全畀唔到市民覺得佢真係有咩決心、勇氣去化解香港當前嘅困局。其實,喺6月9日百萬人上街之後,奶媽已經失去佢嘅credibility,借用西方政治學嘅術語,佢早已跌入咗「塔西佗陷阱」(Tacitus Trap),即係無論佢講啲咩、做啲咩,個社會都會畀「負皮」,甚至當成廢話!

相關新聞:【逆權運動】沒普選不會有民主自由 黎智英︰六四悲劇可能在香港重演

所謂「塔西佗陷阱」,其實係古羅馬歷史學家塔西佗(生卒於公元一世紀,約在耶穌死亡20年後出世)提出嘅政治概念:「一旦統治者變得不受歡迎,他的所有行為,無論是好的還是壞的,都會引起人們對他的厭惡。」有人話中國古代都有類似嘅講法,好似《論語》裏面就有呢句:「紂之不善,不如是之甚也。是以君子惡居下流,天下之惡皆歸焉。」

最過癮嘅係原來喺內地,呢個概念其實早就引起學術同輿論界嘅廣泛討論,皆因一黨專政嘅中共喺近十幾二十年就不斷喺地方因施政失誤,或強推不受歡迎嘅工程,如興建有毒廢料處理廠、垃圾焚化爐,結果引爆民怨民憤,甚至對政府出現信任危機。就連習帝喺2014年到河南一個小縣考察時,都要提出「塔西佗陷阱」嚟警告啲黨官:「當公權力失去公信力時,無論發表甚麼言論、無論做甚麼事,社會都會給予負面評價。」之後,內媒就起勢談論「塔西佗陷阱」,一時間蔚為奇觀。

相關新聞:【逆權運動】在美港人發動去信行動 促國會盡早通過香港法案

奶媽同佢身邊嘅人,如果了解國情,應該好清楚點解中共咁強調「塔西佗陷阱」,簡單啲講咪嗰句:「失民心者,失天下。」專制獨裁嘅統治者,就更加害怕「民心思變」,會演變成顏色革命。正所謂「民不畏死,奈何以死懼之」,當人民唔再信任統治者,集體上街爭取權益,連被惡警暴打、被拉坐監,甚至死亡都唔怕嘅時候,統治者再嚟反省,可能已經太遲,即使之後想盡辦法要去補鑊,都唔會再得到人民嘅信任。

如果喺西方社會,面對總人口約27%嘅市民上街抗議,當地政府早已落台,因為大家都知道咁嘅政府即使再硬撐落去,都只會係跛腳鴨,難於施政,到頭來都會係全民攬炒。更何況如果嗰啲根本係「三幅被」、全無誠意同欠缺實質行動嘅回應,點會有人肯收貨?!

睇番噚日奶媽嘅講話,都只係重複番佢之前所講嘅嘢,完全沒有回應示威者嘅基本訴求。點解「撤回」兩個字,比起「壽終正寢」呢四個字仲難開口?依家仲怕長他人志氣,滅自己或自己人威風?如果正如佢講,從來不存在對一件事件嘅定性,會影響日後嘅檢控工作,咁點解佢咁堅持唔肯撤回6月12日「暴動」嘅定性呢?到咗呢一刻,佢點解仲係死要面?若果係一哥定性錯咗,咪責成一哥糾正,仲有咩問題?再退多幾步,如果你話係唔係定性錯,應該交由監警會調查定奪,市民唔接受咪司法覆核囉,都好過你依家咁樣回應。

點解唔成立獨立調查委員會?德高望重嘅終審法院前首席大老爺,好罕有咁開金口,喺日月報撰文咁話,監警會無獨立調查委員會嘅權力、保障同特點,難以探明整個事件嘅真相,佢建議政府成立獨立調查委員會,短期可以服眾,長遠亦有助警隊重建形象。奶媽就係連咁中肯嘅建議都可以唔聽,話係政府經過詳細評估嘅決定,真係好可笑!究竟係政府內部嘅咩人,基於咩原因做嘅決定?呢班人究竟有咩居心,連呢個最容易滿足大部份市民嘅訴求都唔肯做,係咪有心靠害奶媽,想逼出更大嘅民意反彈?點解連前首席大老爺嘅意見都唔考慮?奶媽今次出嚟,如果真係有誠意嘅話,又點會仲係好似一部人肉錄音機咁,不停重複番之前嘅解釋呢?

至於奶媽提出嘅所謂施政改革,真係得啖笑,完全唔見佢提出喺政治體制上或人事方面有咩嘅變革,就連考慮重啟實施雙普選嘅討論都唔敢提,丁點新氣象都無,又沿用行政局同一班人,政府亦無人因今次事件問責落台,咁大條尾巴留咗喺度,又點樣可以展開新一頁?所謂廣開言路,唔係一直做緊嘅咩?民間嘅聲音其實一直都好清楚,只要奶媽花點時間上連登睇吓,就知班年輕人諗啲咩嘢,但佢似乎無囉。按照政府過去嘅套路,睇嚟擴大嗰啲所謂諮詢架構或咩青年議會,最後都係裝模作樣,搵番班建制派嚟充撐場面,之後就又話聽取咗民意啦,咪又係偏聽!依家個問題係開放年輕人議政、參政呀!奶媽口口聲聲話,希望走出現時困局,真係「講就天下無敵,做就無能為力」。

可能奶媽已經知道自己已跌入咗「塔西佗陷阱」,任憑佢講啲咩嘢,都唔可以再取信於市民,點都解決唔到香港今日呢個困局,所以佢咪索性繼續拒絕回應示威者嘅訴求囉,再求其講啲所謂施政改革嚟整色整水。如果真係咁無誠意,奶媽不如繼續神隱,無必要用咁嘅方法嚟證明自己嘅存在。

又或者奶媽呢番話,其實只係公開講畀建制派同埋北京聽,佢頂得住200萬上街反對佢嘅市民嘅聲音,到家陣都無向反對派屈服,證明佢依然「好打得」?!奶媽,唔好再當啲市民係無知同傻㗎啦,「民無信而不立」,你懂嗎?

後記:

有指,北京當局其實早已陷入「塔西佗陷阱」,佢哋依家最主要係維護政權穩定,可以鎮壓嘅就瘋狂鎮壓,可以掩飾嘅就不斷刪貼清空留言,到真係搞唔掂,咪先扮體恤民情,向民意靠攏囉。湖北武漢市新洲區早前就有居民走上街頭,抗議當地計劃修建大型垃圾焚燒發電廠,就遭到防暴警察鎮壓。網傳當地政府最後見勢色唔對,先至宣佈按照「群眾不同意,項目不開工」嚟平息事件。英國BBC嘅報道就話,唔係每次類似嘅抗爭運動,中共都會「放生」,特別是近年越來越多此類抗議發生,強力打壓往往接踵而至。當然,香港比內地嘅情況就複雜好多,但相信北京唔會一直冷處理,係咪會賣香港人賬,或會快將有定案。香港人,加油!

花生評論員

-----------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

【逆權運動】沒普選不會有民主自由 黎智英︰六四悲劇可能在香港重演 【逆權運動】在美港人發動去信行動 促國會盡早通過香港法案 【逆權運動】修例爭議引爆精神壓力與創傷 專家:製造前所未有心理健康問題 【逆權運動】《環時》狙擊黎智英何韻詩:拉外部勢力搞挾洋自重 【逆權運動】指市民開拓出更有效的抗爭 將軍澳民生關注組取消7.21反紅媒遊行 【逆權運動】涂謹申指林鄭必須撤換李家超、鄭若驊:市民見到佢哋前面,嬲到後面 【逆權運動】警方稱動員逾百人撕紙為「搜證」:貼memo涉刑恐等3大罪 【逆權運動】何韻詩歸途中仍心繫港人 撰文直斥林鄭呃呃騙騙 【逆權運動】湯家驊撰文護航 指林鄭已回應示威者大部份訴求 【逆權運動】《FT》爆特朗普以放過香港 換中方重啟貿易談判 【逆權運動】現身南丫島無通知傳媒 林鄭寬容面對鄉紳 100軍裝便衣警戒備 【逆權運動●FactCheck】林鄭非唯一公開致歉特首 【逆權運動】逾百機動警漏夜「finding memo」 網民改圖嘲「撕紙狗」 吉野家都抽水 【逆權運動】報復寶礦力抽起TVB廣告 強國女團SNH48經理人公司玩封殺 【李八方online】民建聯fb出po自己慶生 網民踩場「賀壽」:最後一年好好珍惜 【逆權運動】《金融時報》︰特朗普為重開貿易談判 就香港抗爭淡化對北京批評 【逆權運動】港大校友發動聯署 譴責林鄭殘酷政權 校長張翔助紂為虐 【逆權運動】公民實踐培育基金眾籌100萬 撰「反送中」民情報告 【逆權運動】林鄭拒落台開始諮詢《施政報告》 未提收集政改意見 【逆權運動】老而不廢! 7.17銀髮族遊行撐後生仔女 【李八方online】尹兆堅將banner變合法連儂牆 警察食環怕且唔敢拆 【逆權運動】網上呼籲「要了解 不譴責」 浸聯會長:教會應站弱勢一方 【逆權運動】大埔「連儂隧道」屹立不倒 「隻揪Sir」資料再現 【逆權運動】聶德權fb再稱港府無計劃3年內推社會信用評分 未提內地官網現港澳台連結 【逆權運動】開朗妙齡女反送中輕生 好友詫異:可想而知幾絕望 【逆權運動】九龍城7.27大遊行掃走大陸團 中西區7.28上街踢走建制派 【逆權運動】500人中環悼第4名輕生者 葉德嫻籲港青「放長雙眼睇壞人折墮」 【逆權運動】油塘「連儂牆」數百人爆衝突 警方舉紅旗至少2人被捕 【逆權運動】理大學生會倡添馬公園與林鄭溝通 前提:停止追究所有抗爭者
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載