蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月11日
馬上成為壹會員

【花生蘋台】華為危機大爆發 係因習帝連犯兩錯?

近日媒體開始熱傳,習帝喺G20阿根廷峯會上犯咗至少兩個策略性錯誤。
建立時間 (HKT): 1211 00:02

華為太子女在加國被捕事件,越來越撲朔迷離。除咗太子女嗰3本特區護照,究竟點得嚟之外,強國喺呢幾日突然好似「火山爆發」嘅表現,亦引起外界嘅興趣。有媒體開始熱傳,習帝喺G20阿根廷峯會上犯咗至少兩個策略性錯誤,令佢錯失咗化解今次事件嘅「黃金拯救時間」。嚟自強硬派同國內強烈嘅民族主義情緒反應,迫使佢要作出強硬回應。不過,咁做又會令中美貿易喺呢「90日停火協議」嘅談判節外生枝。有人仲問,習帝真係做好咗破釜沉舟,同美國人鍊過嘅準備?

相關新聞:【華為危機】押2物業加碼$583萬 夫簽證明年2月到期

綜合外媒嘅講法,習帝首先錯判形勢,當日得知華為太子女喺加國被捕後,為咗顧全大局,無喺同侵侵舉行談判時質問對方。結果要「硬食」,仲畀侵侵同佢班白宮群英有機會開脫之餘,依家多咗張牌可以打。海外華文媒體「博聞社」噚日引述中共消息指,習帝無同早知此事嘅加國靚仔總理杜魯多,喺G20峯會上有任何「互動」,係另一個「錯誤」。兩日後,加拿大卑詩省高級法院就孟晚舟案件發出「禁止報道令」,結果反令事件迅速曝光。

最可圈可點嘅係,靚仔總理事後高調承認,佢喺孟晚舟被捕前幾天已獲知有關拘捕行動,佢仲特別強調,無插手干預司法當局決定,亦無向其他國領袖披露事件。言下之意,即係佢無出賣盟友之餘,亦暗示咗係習帝無同佢傾呢件事咋。

相關新聞:【華為危機】林鄭指孟晚舟只持1本有效特區護照:破例交代免政治炒作

侵侵真係唔知今次孟晚舟事件?若然係真,就反映中美博奕,唔係侵侵一個人話晒事。美國政府內部,特別係情報部門似乎熱衷於同中國打一場科技冷戰。《華爾街日報》噚日引述知情人士透露,美國聯邦檢察院或者最快喺今個星期刑事控告同強國政府有關嘅黑客,仲話呢啲黑客多年嚟入侵美國網絡技術服務供應商,破壞其客戶網絡及竊取機密。依家風頭火勢,仲傳出呢單嘢,背後點會無政治動機?係想趁勢向強國加壓,定係想破壞侵侵同習帝個刁,真係好值得深思!面對角逐連任壓力嘅侵侵,搞唔掂個刁,絕不會好過。

咁樣睇嚟,習帝又真係幾無辜,俾美國人玩咗一鑊。佢呢個時候應該好谷氣,明明講好咗停火90日,依家美國人借加拿大「放火」,仲想搵黑客問題嚟發炮,嚟緊仲唔知會爆出咩問題,唔通喺呢90日為咗個刁,鋪鋪都要「打落牙齒和血吞」(解作受了委屈不想事件惡化)?講番轉頭,美國人可能真係睇到呢樣嘢,乘機喺呢個時候有仇報仇,插多兩刀?怪唔得有消息指,中共內部強硬派抬頭,除咗搵加拿大嚟出氣外,仲決定要反擊美國。

不過,觀乎呢幾日強國官媒嘅反應,的確有啲「狗急跳牆」、亂無章法嘅感覺,甚至俾外媒覺得似乎已遭民族主義情緒「綁架上馬」,完全暴露晒華為同中共千絲萬縷嘅關係。中共越係反應激烈,就越俾人覺得背後有不可告人嘅秘密,之後其他國家肯定會用嚟做理由剔除使用華為設備。

無論如何,孟晚舟單case已進入加國司法程序,根本不容以政治手段去解決。若然雙方各退一步又如何?好似有美國華裔律師提議孟晚舟先認罪,主動到美國自首,最後罰款了事。呢個提議有啲天方夜譚,美國就係因為覺得罰款不足以對付違反對伊朗制裁令嘅人,所以先要捉佢哋去坐監,即係有法例要依,事情已經唔係反口覆舌嘅侵侵一句說了算。即使可以就有關控罪討價還價,都唔係短時間內可以搞掂。喺咁嘅形勢下,即使習帝同侵侵都想就貿易問題達成個刁,根本唔係件易事。中美最後爆大鑊,睇怕大家都可能阻止唔到,真係幾恐怖!

花生評論員

【華為危機】押2物業加碼$583萬 夫簽證明年2月到期 【華為危機】林鄭指孟晚舟只持1本有效特區護照:破例交代免政治炒作 【華為危機】旁聽席響起中國國歌鈴聲 支持者庭外抗議促「釋放孟晚舟」 【溫哥華直擊】美政府未提出引渡申請 孟被要求接受24小時監控 【即時文摘】香港中資國企員工要不要用華為?(林夕) 【即時文摘】辱華為事件(曾志豪) 【即時文摘】這也是一部密碼(李純恩) 【華為危機】林鄭交代涉不盡不實 3疑團仍未解 【華為危機】孟晚舟首本特區護照呈堂 有效期至2021 【華為危機】孟晚舟羈押中心內部首曝光!低設防監控提供心理輔導 【華為危機】加國外長首表態:考慮與台洽談投資保障協議 【華為危機】美駐港總領事約見港澳辦 上周突飛北京晤張曉明 【華為危機】美電訊商拒合作 華為產品難打入美國市場 【華為危機】與現任丈夫姊弟戀!香港結婚育有一女兒 【華為危機】稱國家安全是首要考慮 加拿大或加入封殺陣營 【華為危機】為孟晚舟撰寫人格擔保信 呢3個男人咩來頭? 【華為危機】溫哥華兩物業均向滙豐做按揭 每月還$18.6萬 【華為危機】駙馬爺自稱一方諸侯 大學畢業即幫外父打工 【華為危機】為獲准保釋做準備? 工作人員入大屋清潔 【Fact Check】護照註銷電子證即失效 孟晚舟不可能持舊護照進加拿大 【華為危機】中國報復!加拿大前外交官被拘留 國際組織促放人 【李八方online】葉劉找數買華為 不過唔係買畀自己 【李八方online】民記選年度漢字 頭獎日本機票 三獎係華為手機? 【華為危機】康明凱曾暗指華間諜手段極端 最後一tweet轉發批中言論 【華為危機】揭孟晚舟證婚人係空殼公司董事 與太子女各擁維港灣複式戶 【華為危機】保釋未有裁決原因曝光? 「法官要下班接小孩」對話瘋傳 【華為危機】三本特區護照曝光 增減夫姓改名換新護照 【溫哥華直擊】孟晚舟保釋聆訊明續審 丈夫擔保人資格被質疑
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載