› 選擇地區
三藩市
紐約
洛杉磯
其他美國地區
香港 台灣 北美
 
2019年08月10日

【逆權運動】13歲女買書遭扣10小時 母斥︰無差別拉人天大笑話

建立時間 (HKT): 0810 00:01

8.5全港三罷,兩名分別13及14歲升讀中三的女孩回校買新學年書籍途中,天水圍警署外突然有防暴警向人群噴射胡椒噴霧,兩名女孩在毫無裝備下臉、手和腳中椒,更被警員以涉嫌非法集結罪名拘捕,扣留10小時始獲保釋。涉事13歲女生是反送中示威潮最年輕被捕者,她慨嘆「經過呢件事完全對警察失去晒信心」。母親亦怒斥:「好離譜,一心走去買書,嗰條路必經嘅,無啦啦就俾人捉咗,天大嘅笑話,無差別地照拉!」從無參與遊行示威的她又稱日後會參與合法集會,抗議警方濫權濫捕。

涉事女生為13歲張同學及14歲陳同學(化名),兩人為同班同學,下學年升讀中三,8月5日上午10時至下午4時為學校買書時間,她們按通知於下午1時至1時半期間返回就讀的鄧兆棠中學買書。學校位於天盛苑,與天水圍警署相距約400米路程,由天耀輕鐵站步行回校必經警署。兩人相約在天耀輕鐵站一起回校,當時約下午1時半,有人在輕鐵站通往警署的過路處派口罩,她們眼見在場有不少記者,因不想被拍下容貌所以戴上口罩,當時行人路站滿人,她們惟有沿馬路前行,陳同學稱:「突然之間前面有人話有防暴警察,全部人跑晒去後面,我哋嗰陣完全唔知可以點,淨係驚,就跟住啲人跑,但後尾有人話後面都有防暴警察,又叫啲人跑返去前面,然後兩面圍攻。」

母赴署查問 警:冇呢個人

她們形容防暴警噴胡椒噴霧前無警告,陳同學說到被捕一刻不禁哽咽 :「真係好驚,俾佢拉嘅時候唔知自己做錯啲乜,但無啦啦咁樣就拉咗我哋,然後話我哋涉嫌非法集結,噴我哋胡椒噴霧。」張同學亦大表無助:「我哋着短衫短褲,唔係黑色,手腳都中咗好多胡椒噴霧,好似灼傷咁痛。」她們指是一同被捕的巿民安慰她們「唔好驚、唔好喊」,並用生理鹽水協助清理身上的胡椒噴霧。

張同學驚慌失措下以WhatsApp通知母親,張太指當日得知警署有示威時女兒已出門,她致電女兒打算一同前往學校,當時女兒仍說安全,想不到下午1時47分收到女兒哭說被捕的錄音。被扣留期間,張同學指一名女警態度惡劣嘲諷陳同學:「『喊完嗱?唔喊嗱?』我覺得佢真係好唔尊重,我哋的確係好委屈。」

張太下午2時許趕到警署查問女兒情況,警方先後兩次稱「冇捉到呢個人」。張太遂向校方求助,校長攜同學生回校買書的證明文件與張太往警署,當時門口有防暴警阻撓,「佢哋放咗催淚彈,好攻眼、涸喉、刺鼻,我哋返去學校暫避,嗰時情況唔係好亂,唔知點解要放催淚彈驅趕人群,人群都冇衝擊差館!」

張太下午5時前終接到女兒從警署來電,至深夜12時許才獲保釋,本月下旬返署報到。張同學說:「我細細個一直覺得警察係正義嘅,做乜都係為巿民着想,但經過呢件事之後,完全對香港警察失去晒信心。巿民做嘅嘢係冇錯,𠵱家變咗巿民幫手去維持香港嘅治安,唔係警察!」從無參與遊行示威的張太表示,日後會參與合法集會抗議警方濫權濫捕。

張太氣憤難平,指「點解會搞到人民咁擔驚受怕,點解會見到差人要跑呢?家無論日頭定夜晚,總之見到警察,巿民就有危險,可能係無端端落街買餸、食嘢、行過,隨時突然被扑頭、噴椒、拉返差館!」

跟進事件的立法會議員鄺俊宇表示:「兩位同學被捕,唔少街坊都表示非常擔心,盼兩位同學堅強面對,我們深信公義最終能得到彰顯。」他感謝兩名女生及其家人的信任,並會繼續盡力保護及協助她們。

■記者張家豪

【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載