› 選擇地區
三藩市
紐約
洛杉磯
其他美國地區
香港 台灣 北美
 
2019年07月22日

【無警時分】白衫暴徒見人就打 女傷者中招「我驚!但我一樣企係公義嗰邊」

建立時間 (HKT): 0722 10:55

昨晚元朗西鐵站的乘客成為白衣暴徒的目標,不少無辜乘客過了膽戰心驚的兩個小時,其中售餅員楊小姐便是身歷其境的一個,她昨晚10時放工,乘西鐵回元朗家,約10時45分,她當時身穿黑色連身裙,在車廂已有女乘客問她是否返元朗,告知她一身黑衣打扮好危險,「出面白色衫嘅人見到人就打」,該少女好心送她一件藍衣,提醒她緊記要換,她換完後一到站,便被人狂掟水樽,幸有市民將她拉往後方,「我有打999,長響冇人聽」。

相關新聞:【無警時分】帶衫畀黑衣市民更換遇襲 M先生:報警一直唔通

她形容當時情況像拍「蠱惑仔」電影,「成班人攞住鐵通、木棍、壘球棒、藤條狂毆我哋,由下面追打我哋到上面,有個伯伯跌低咗,我哋埋去扶佢,佢哋都狂打我哋,冇諗過香港有咁嘅嘢發生,我收工咋,我唔係搞事,都有咁嘅嘢發生!我咁大個女,一個鐘頭內竟然係冇警察,我唔知警察去咗邊,亦唔知西鐵職員去咗邊,冇任何人阻止,我報咗三次警,手機都畀人打爆mon,手鏈、我身上全部嘢唔見晒!」

她指衝向市民的全是白衫人,「佢哋講晒粗口,話『你哋唔好返入嚟元朗!』我住元朗,點解唔可以返入嚟?我返嚟元朗都被人打,我應該去邊?」她指其後幸好有義工車她走,「睇住我返入屋企先肯走。香港政府唔好再話我哋係暴徒,警察係冇用,成班人打完人就走,冇嘢,差人行過見到佢哋照走,係咩香港嚟㗎?」

相關新聞:【無警時分】100白衣暴徒持鐵通企村口挑釁 警:唔見有人手持攻擊性武器

她雖然捱打,還不敢向父母傾訴,「家姐同我講唔好着黑衫,我話佢哋唔理你着咩衫,都照打。」被問及是否害怕,楊小姐直言:「我驚!但我一樣企係公義嗰邊,我唔會因為你打完我就會驚。」她還說自己是小傷,如去看急症,反而會延遲其他重傷者的治療。她兩手的手背被打傷,右手臂有藤條痕及瘀傷,背部亦受傷。她今日到元朗站,希望向職員查詢有否發現她遺失的手鏈及佛牌。

其間一位女士在站內非常激動,直指昨晚無警時分,令她擔心兩兒子的安危。她說從事善終服務,昨晚要外出服務一位長者,獲知元朗站情況危急,但她的兩個兒子,分別升讀中六及中四,她說幼子穿快餐店工作服,因擔心哥哥,帶了衫出去接哥哥,仍未返家,令她們一家急如熱鍋螞蟻。她咬牙切齒說:「黑社會沒有父母嗎?你今天可以令人不善終,你們的父母都不得善終,我係幫人善終,穿M記都唔得,係人都打,CALL家人出去接仔,打唔到999, 我冇家教都唔使黑社會教,用下個腦啦!」

香小姐家住屯門,但返工地點是雞地,她坦言「諗緊返唔返工,我哋公司近下悠田村,覺得好危險,唔知道會發生乜嘢事,頭先公司老闆都叫我哋睇下咩情況,有需要就幫手,依家唔知着乜嘢色衫。」

市民羅先生說,「看到都非常憤怒,明顯係即使是報警,但遲遲未到場,白衣人離開了,才帶人到場 ,有古怪,擔心呀,連老人家都打。」鄧先生則表示,警察不及時到,感到可怕,盡量不出夜街,警察承諾保護市民,但做不到。」

【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

你敢爆,我敢獎! 立即WhatsApp《蘋果》24小時爆相爆片熱線致電:63836568

【無警時分】帶衫畀黑衣市民更換遇襲 M先生:報警一直唔通 【無警時分】100白衣暴徒持鐵通企村口挑釁 警:唔見有人手持攻擊性武器 【逆權運動】干諾道中警民攻防戰 警受傷不適上警車 【無警時分】《立場》女記者西鐵站直播 遭多人圍毆至倒地 【無警時分】大埔連儂牆逾百市民聚集 誓保大埔人免受襲 【無警時分】女乘客驚慌被圍西鐵半小時 致電999求救警察話「唔知幾時嚟」 【無警時分】質疑警方包庇白衣人 柳俊江哽咽:點解要我哋自己幫自己 【無警時分】青年為救少女慘被白衣人圍毆狂鞭 全身受傷幸獲熱心人救命 【無警時分】白衣暴徒「兇」防暴警 警員遭黑漢粗口問候調頭走 【無警時分】質疑警方默許白衣人血洗元朗 70名市民圍天水圍警署 【無警時分】鐵通高球棍壘球棍 講得出都有 【無警時分】飛天南通波仔蘇醒聲稱被打 檢查發現身上無傷痕 【無警時分】YOHO MALL發聲明指有報警求助 但一直未能聯絡警方 【無警時分】還原「血洗元朗」8小時 警兩度撤離西鐵站 入村搜查零拘捕 【無警時分】港鐵發聲明︰車長沒察覺暴力事件 因車門受阻籲乘客落車 【無警時分】元朗儼如死城 區內政府文康設施提早關閉 【Apple都驚】全線Apple Store「特別營業時間 」 下午4點提早關門 【無警時分】圍毆婦孺 追打記者 元朗白衫暴徒身份曝光 【逆權運動】日牛涮涮鍋疑拒招待遊行人士 網民店外聚集 【無警時分】馬迷向馬會聯署!褫奪何君堯會籍 將其賽駒「天祿」退役 【無警時分】撤銷何君堯會籍?馬會:如令本會聲譽受損 可採取紀律行動 【無警時分】白衣暴徒血洗元朗西鐵站 45人受傷1人危殆
追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載