小巴站頭站長「興仔」指,今日下午七一大遊行預計會影響小巴站運作,相信下午時分小巴站要由渣甸街搬站至禮頓中心,「要睇警察幾時通知我哋,佢一封路就會通知。」他坦言市民遊行必定影響其工作,「一定會辛苦啲架啦」,但他強調大眾表達訴求是合情合理,故他不介意生意或收入因而受影響。
記者林穎嵐 徐雲庭
的士司機蔡生指今早8時多開工至今,生意額明顯下跌,「成個港島區都冇客」。他指受近月反送中運動影響,平均每日損失約200元生意額,「但我呢啲損失好少啫!」蔡指早已預料今日「冇生意」,又指「純綷因為搵唔到車位泊車咋,如果唔係,搵到車位我都收工返屋企啦!」
蔡強調今次風波責任在政府一方,由特區政府及特首林鄭月娥處理反送中一事表現惡劣,「係林鄭做得衰吖嘛!」更笑言自己年輕時也經常參與遊行示威活動,奈何現時年紀大無力參加,但他仍支持年輕人上街抗爭及參與今日遊行。但他呼籲年輕人及參與人士不要衝動,免起紛爭。
兼職小巴司機鄧先生則指預計今日行車路線將會更改,但現時未知安排。他表示不介意遊行影響工作,「啲人表達意見,都好正常啫。」但他強調希望示威人士和平示威,避免有人受傷。
7月4日起 《蘋果動新聞》只限升級壹會員閱覽
繼續撐蘋果!
你敢爆,我敢獎! 立即WhatsApp《蘋果》24小時爆相爆片熱線 或致電:63836568