蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月21日
馬上成為壹會員

勇媽不甘遭賊搶手袋 跳上賊車搶軚盤窮追擒賊

最後更新: 0521 18:44 / 建立時間 (HKT): 0521 16:14

【22日06:15】被捕男子遭警方控告11項罪名
【18:35】新增女事主訪問

大埔太和路發生搶劫案,一名勇媽不甘被搶手袋,竟奮不顧身跳上賊車搶軚盤追賊!下午約2時,警方接獲報案指,一名女子遭賊人搶去手袋,賊人其後跳上自己的私家車企圖逃去,女事主心有不甘隨即跳上車,拉着軚盤阻止賊人離開,惟賊人不顧一切開車,女事主丈夫駕駛寶馬趕至,亦開車尾隨追截,追至50米外太湖花園對開終將賊車截停,其間賊人下車逃走,但目擊途人協助截停。涉事夫婦手腳擦傷,警員接報趕至現場,拘捕涉案男子,43歲姓歐女事主腳部輕傷,事後由丈夫陪同送院敷治。

警員稍後搜查賊人的日產私家車,在車尾箱撿獲鎚仔、東洋刀等武器。被捕男子姓顏43歲,懷疑與早前發生的一宗不付款而離去案件有關。經初步調查,顏涉嫌車內盜竊、瘋狂駕駛、行使虛假文書、管有虛假文書、藏有攻擊性武器、外出時藏有盜竊工具、管有他人身份證、駕駛未獲發牌車輛、無牌駕駛、沒有第三者保險下駕駛及不付款而離去被捕,

事後有網民上載一條車cam至fb討論區,清楚見到女事主驚險追賊的經過,當時銀色的賊車停在太和路一油站附近,估計女事主已經跳上賊車,而紅色寶馬則停在路中心。雖然寶馬男司機一度落車阻截,但賊車突然開動,開行數米後又停下,司機位車門亦不停打開及關上。賊車其後未有停下,更向前開行,狀甚危險,寶馬司機隨即尾隨,駛前數十米至太湖花園對開時,寶馬將賊車截停。女事主與賊車司機拉扯,雙方糾纏半分鐘後,女事主最終搶回手袋。

姓歐女事主向《蘋果》講述事件經過,指丈夫的手機早前跌在她的紅色本田七人車上,加上要入油,於是相約丈夫在大埔官立小學對面的油站交收,之後便返回大埔的寓所。當時她將七人車停在油站附近,而車上有一名3歲女兒,後方則有一輛16座小巴,大約數分鐘後,丈夫駕駛一輛紅色的寶馬駛至停在小巴後面,其時一輛銀色的私家車亦停在丈夫的寶馬後面,「我落車拎個電話畀老公,2秒鐘嘅時間(賊人)就搶走咗我個袋,然後上返車」。

她指丈夫立即發現賊人偷走手袋,她立即大叫:「小偷呀!打劫呀!救命呀!」喝止賊人,又衝上賊車阻止賊人開車離開,「我即刻拉住道門唔畀佢走,佢嗰時衝住走,我死都拉住個方向盤,係咁踩住個煞車唔畀佢走,點知佢已經踩住油門,搞到我踩唔到煞車」。丈夫見狀立即倒車,意圖阻止他離開,惟賊人已經扭右軚開車,豈料逃走時撞到前方小巴,「佢真係開得好快仲加速,個賊係咁叫我快啲落車,又係咁推我,我話你唔停我點落呀,個賊真係慢咗落嚟」,又指賊人向她透露「自己等啲錢救命」,其時丈夫駕駛寶馬將賊車攔着,但賊人可能「太緊張」直撞寶馬車尾。

歐女士形容當時情況危急,九死一生,「我老公即刻落車,佢又驚啦,直接撞我老公,我心諗死喇無命喇,已經全身軟晒喇,我就係咁扭住個軚」。她丈夫立即衝上賊車,拔走車匙,與賊人糾纏,她亦搶回手袋,並跑回七人車看顧女兒,幸女兒並無大礙,自己手腳僅擦傷,但丈夫則「傷得比較重」。

她續指當時賊人未開車,所以「膽粗粗」衝上車,詎料賊人突然開車,她只好手執軚盤,「我揸住唔放手呀,如果我放手就死硬啦,佢開住車㗎道車門又冇閂,我叫佢畀返個袋我,如果唔係唔畀佢閂車門」,但賊人仍然開車開行至少50米,其間她更一度凌空。歐女士指丈夫經營冷氣生意,自己為家庭主婦,雖然被搶的手袋內只有銀包、手機及萬多元現金,但不甘被搶,所以「諗都冇諗直接跳上車」,事後回想事發經過仍有餘悸,坦言「當時唔驚,事後諗返就好驚,話唔定自己冇命,我最驚嗰刻就係佢撞我老公」。


【六四30】守住歷史 拒絕遺忘
https://hk.adai.ly/zdzKtt2RiW

5月21日 10am-11pm
玩《MINI GAME大挑戰》
贏取魚鱻森虱目魚精共20份
https://bit.ly/2WigzsG

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載