蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月16日
馬上成為壹會員

【前院長性侵案】自爆「女朋友」走晒 為發洩買四仔 上一樓一

張健華愛流連廟街,對橫街窄巷瞭如指掌。莊建鑫攝
建立時間 (HKT): 0516 11:31

《蘋果》在判決前夕,追蹤張健華生活逾半年,發現他面對非禮案官司,會用另類方法「減壓」。記者發現他不時流連廟街,買鹹碟,甚至「上一樓一」,他受訪時指承認自己買鹹碟發洩,因風化案令身邊的女朋友「走晒」,更稱:「我唔喺呢度發洩,去邊度發洩呢?」 但他就否認召妓,「好耐以前就有,但而家只係想望吓!」惟當被問及其1%視力能否看得清楚時,他卻有另一套說法:「望唔清㗎,所以去到門口唔敢上,點知佢會唔會屈我偷嘢㗎?」

相關新聞:【前院長性侵案】判決前夕 張健華堅稱無辜:係咪黐咗呀?

報稱現時做散工的張健華,記者發現他每星期至少4天,到佐敦一間四星級酒店做洗碗工。不過,有次他提早出門,專程到公司附近的廟街閒逛,自稱僅1%視力的他,在排檔內巷穿梭自如,即使迎來人群不斷,甚至有工人在前方搬着大鐵箱,他也輕易一一避開。穿過多條橫街窄巷,他目標明確,一個箭步走入一間無店名、只掛上DVD燈箱的地舖,裏面清一色賣「四仔」。視力勁差的他卻能準確無誤地走到「新貨」欄,全神貫注密密揀,可是未能找到心頭好,他隨即轉到對面的「本店推介靚爆燈」一欄,看了看,就拿起影碟放近細看,但揀了20分鐘,最終仍空手離開。

其後,在返工沿路雖有大批性感「企街」妓女上前兜搭,但張只逐一打量,斜望對方上身,即使有妓女用手在他身上輕掃,但他都不為所動,匆匆到酒店上班。以為他不受引誘?不過3日後,他早上去完法庭,急急回家換過一身便服,卻再去廟街「覓食」。這次他並非去鹹碟舖,而是極為熟架步地到一幢舊式唐樓,識途老馬的他直接去找坐在入口打躉的疑似女馬伕,他跟對方聊了幾句後,便尾隨對方上2樓一個單位,一名身穿性感內衣的女子已在門口迎接,張健華進內逗留約15分鐘,然後自行落樓離開,再返回酒店上班。

相關新聞:【前院長性侵案】社工資格被DQ 由院長變洗碗工

記者事後直問張健華何以經常到廟街?他直認有買鹹碟習慣:「我買過(鹹碟),因為壓力大,冇晒身邊所有女朋友。」他指捲入風化案前,他有不少女友,女人緣旺,「多數係正常(人),有啲工作上認識、有啲做義工、有啲買嘢識到。」他指自己親和力強,更形容有些女友「嚟咗唔捨得走」,「老實講,都係靠呢啲嘢(鹹碟),你(記者)都係男人,我唔喺度發洩,去邊度發洩呢?」

至於「上一樓一」,他強調只是「齋睇」:「我冇叫雞,行過有人撩啫!」但他承認自己曾經猶豫:「諗過都係唔好,你唔明我哋世界㗎喇,我只想去睇吓,出於好奇心。」惟其後他又自爆以往曾召妓,「很久很久前有,但而家只想望吓。」記者問他望得清嗎?他卻另有一番解釋:「望唔清㗎,所以去到門口唔敢上去,點知你係咪屈我,如屈我偷嘢,點搵人(幫手)呀?」

---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
5月16日 10am-11pm
玩《MINI GAME大挑戰》
贏取lavera有機抗敏防護牙膏共200份
https://bit.ly/2WigzsG

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載