› 選擇地區
三藩市
紐約
洛杉磯
其他美國地區
香港 台灣 北美
 
2019年05月16日

【前院長性侵案】判決前夕 張健華堅稱無辜:係咪黐咗呀?

建立時間 (HKT): 0516 11:30

私營殘疾院舍「康橋之家」前院長張健華被控於30多年前五度非禮一名視障女童,法庭今日裁定他罪名全部成立,還柙至下月6日判刑。今次是他02年以來第三次捲入風化案,在判決前夕,他接受《蘋果》訪問時還直呼自己無辜,又指自己「靚仔、游水叻、經歷多」,從小吸引不少異性主動「嗡埋嚟」,他更大發謬論指智障和視障人士「一鍾意你就黐埋嚟」、「拖吓、拉嚟拉去」等身體接觸是正常不過,故難免令人誤會。不過其言論遭智障和視障團體反駁。惟面對今日的裁判,他昨晚終極回應記者:「如果咁都入罪嘅,我一定會上訴!」

相關新聞:【前院長性侵案】自爆「女朋友」走晒 為發洩買四仔 上一樓一

記者:莊建鑫 黎少英 阮斌 郭美華

57歲的張健華被控於1982至1986年間,在心光盲人學校任職活動助理期間,先後5次非禮一名視障女童。今次是他第3次面對風化案指控,2014年他被控與一名智障女院友非法性交,但因受害人身心受創未能出庭而獲撤控。2002年他被控非禮2名女院友,但因受害人口供前後矛盾而脫罪。

相關新聞:【前院長性侵案】社工資格被DQ 由院長變洗碗工

面對今次指控,他堅稱自己無辜,在判決前夕接受訪問,直指案情不合邏輯:「如果你係女仔,我非禮咗你一次,第二次你仲會唔會嚟搵我呀?仲會叫我教你游水?你着件泳衣,係咪黐咗呀?」當記者欲進一步提問時,他更一臉滑稽搶着補充說:「(仲叫我教游水)即係(女童)仲鍾意我呢個人,(但)唔鍾意我非禮佢啫。」

張健華自小患有黃斑點退化症,自稱只餘1%至2%視力,1984年曾代表港隊參加殘奧,獲50米蛙泳銅牌,他受訪時炫耀自己年輕時是個「靚仔」,從小就深受異性歡迎,「由細到大,有一樣嘢深受女仔歡迎,因為我游水叻……樣(子)都OK……經歷多,(康橋之家)點樣捱返嚟?呢啲女仔都好鍾意聽。」

他97年與朋友合資成立康橋之家,自稱對智障和視障人士的世界瞭如指掌,更大發謬論,竟將自己與她們的親密身體接觸「合理化」。他解釋,智障女性跟一般女人一樣喜歡異性,「佢哋都鍾意男人,但佢哋冇一個(正常)女人(道德)知識,佢(鍾意你)真係會嗡埋嚟。」他更叫記者了解一下智障女性喜歡男仔時有何舉動,「(佢哋)好鍾意黐,男黐女,女黐男,係正常嘅,喺人性上就要點樣守規矩,但佢哋唔會,總之係兩個世界。」他更指智障男女都會性衝動,「佢鍾意嗰樣嘢,就會嚟攞㗎啦,包括男士,佢哋都有咁嘅(性)需要。」

在他眼中,視障人士之間有親密接觸更是理所當然,「盲人就係咁拖手,拉嚟拉去㗎啦。」他指出有時簽名要捉住對方的手,看不清楚大家就會貼到很近,「外人覺得拖住第二個好親暱,但我接觸多……close(親密)唔close好難講。」不過記者所見,自稱只餘1%視力的他,平日行動自如,睇書用放大鏡,出街也不用盲人手杖,從不需要人拖手帶路等。

嚴重弱智人士家長協會主席李芝融指,只有嚴重弱智及教育程度低的弱智人士,才會「一鍾意人就黐埋去」,一般院舍會教導弱智人士禮儀,故「嗡埋嚟」的情況不普遍。據他所知,一般院舍職員在跟院友相處時亦有一套嚴厲規則,避免不必要的身體接觸,包括不可與院友獨處,即使獨處傾偈,也要打開房門,並選擇在閉路電視下。他不願估計張涉及的風化案是否事實,但接連有院友指控張,令他對張的懷疑增加。

失明人協進會會長莊陳友也批評張健華的言論誇張,他指出視障人士經過訓練後,生活與常人無異,大部份工作能自行完成,即使要別人幫忙,最多也只是拖手帶路或拍拍膊頭,與他人身體接觸不多;即使是簽名,現時也有工具「簽名格」協助他們,未必需要別人親自捉住手協助。

---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
5月16日 10am-11pm
玩《MINI GAME大挑戰》
贏取lavera有機抗敏防護牙膏共200份
https://bit.ly/2WigzsG

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載