蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月11日

【險釀慘劇】爛賭夫從不養家 分居妻:聽到佢個名都驚

136,598
建立時間 (HKT): 1011 16:00

深水埗桂林街唐樓單位一名男戶主,昨晚放石油氣企圖自殺,幸及時被女兒發現阻止,未釀悲劇。男戶主的分居妻子中午返回住所執拾。她自言有丈夫等於無丈夫「我養佢(丈夫)廿幾年,一個人撐住頭家,香港的、內地的,幾十年,依家聽到佢個名都驚呀!」

莫太指,與丈夫是惠東同鄉,20餘歲時認識,其後結婚,育有兩子一女,但多年來丈夫從沒有工作,只靠她一人獨力支撐。「佢喺鄉下長期賭錢、玩,一直唔肯做嘢。」而且生性多疑,不喜觀妻子與異性交往,「打個招呼都鬧,話我:『你咁姣架?』同姐夫妹夫傾計都鬧。」

早年莫太由父親申請來港定居,之後她再申請丈夫子女來港團聚。「當時未諗到離婚,諗住仔女咁大,畀次機會佢。點知佢嚟香港後變本加厲,唔肯做嘢。」莫太忍無可忍,上月中搬出桂林街獨居,並由律師協助申請分居,丈夫當然拒絕離婚,「佢買幾張電話卡,不停打畀我,跟蹤個仔搵我。」

莫太坦言如今非常徬徨,「我阿爸有病,返咗鄉下住。香港同鄉下兩邊都要租屋,支出好大,依家唔知點,要搵社工幫手。」她直言不會到醫院探望丈夫。

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載