› 選擇地區
三藩市
紐約
洛杉磯
其他美國地區
香港 台灣 北美
 
2018年09月29日

【父子決裂】「不肖長子」陳崇輝反擊: 阿爸拋妻棄子

最後更新: 0929 13:46 / 建立時間 (HKT): 0929 12:02

北區區議員陳崇輝與父親關係決裂,陳父陳金華在報章頭版刊登聲明斷絕父子關係。 《蘋果》聯絡到陳崇輝,他對事件感到無奈,並說父母離婚十多年,父親當年拋棄糟糠,多年不見,如今卻突然出現向母親索款。

相關新聞:【父子決裂】陳母出村暫避 村民震驚:化解唔到

陳崇輝稱對父親登報一事,事前全不知情。陳說:「今朝先知,我唔係咩名人,係家事,唔影響我工作。」與父親的轇轕,他娓娓道來:「佢同媽媽離婚十幾年,無照顧我哋十幾年。而家佢有個30幾歲的太太響深圳,同媽咪關於資產有爭拗。」他指父親是藉著向他施壓,迫他勸服母親交出資產。

「媽媽70幾歲,好慘,佢(父親)棄糠槽。老太婆咁可憐,幾十歲人,何必呢?」陳崇輝指母親在內地出世,來港後嫁給父親,育有兩子兩女,但十多年前父母離婚。「好耐無見(爸爸),讀書時已經拋棄我哋,棄糟糠呀!」母親帶住4子女到英國,含辛茹苦養大成人,個個出去打工。「父親上年8、9月出現,入我媽屋企,響警察面前打佢。已經有法庭禁制令,禁止佢在指定範圍內出現騷擾我媽。」陳崇輝指,父親透過中間人,叫他勸母親交出所有財產。「我無可能幫阿爸迫我媽,可能佢財政唔好,加上有個新太太。」

相關新聞:【父子決裂】坪洋三鄉歷史悠久 陳氏植根

「佢(父親)覺得我係議員,就快村選,所以在報章打擊我!」陳感到無奈,但認為事件對自己沒有影響。他強調一直為村民出力,很少出席鄉事局會議,因為「只想搞好環境,唔搞政治。」

記者問陳崇輝,父子關係如何?陳說:「我哋呢邊俾佢拋棄,無辦法控制,好無奈。全家人都一路受傷害,好淒涼。」對於聲明中的「禁入祠堂」,陳崇輝認為沒有法律依據,絲毫不擔心。「登報係佢單方面,我無同佢講過嘢。佢想以此俾壓力我阿媽。」陳崇輝自言:「唔係大富大貴、唔係富二代。唔想隔空罵戰,肥皂劇咁!」現在媽媽最傷心,不想再刺激她。

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載