› 選擇地區
三藩市
紐約
洛杉磯
其他美國地區
香港 台灣 北美
 
2018年08月26日

【排隊捱斬】排頭位男生:曾畀人騷擾 打咗我一下

建立時間 (HKT): 0826 15:13

售賣劉德華演唱會門票的柴灣道青年廣場,凌晨發生排隊人士遭斬傷血案,排第二位的內地漢遭兩名不知名大漢斬傷手及耳,須送院治理。當時排頭位的黃同學,事發時見到兩名黑衣大漢行過來,「睇落知有古怪,我之前試過,我即刻著鞋,即刻攞晒啲嘢走!」所以他並不知排在他後面的內地漢遇襲刀傷。他坦言今早看新聞才知發生斬人案,不諱言「好彩走得快」。

相關新聞:【排隊捱斬】恐藏武器犯案 警員檢視霸位帳幕

暑假後升讀中四的黃同學,自稱是為家人排隊瞓街。他本月15日進駐青年廣場外,更有備而來,帶來帳幕露宿,成為霸頭位者。他今次醒目避開一刼,原來之前曾被騷擾,「排隊幾日後就畀人騷擾,叫我走,嗰個人我唔識,係香港人,30-40歲,我即刻攞晒啲嘢走,嗰次冇事,畀人打咗一下,敲我頭一下,叫我快啲走。我瞓瞓下覺,無啦啦畀人拍醒,梗係驚啦!」他當時有報警求助。

黃同學指經此一役,已叫多啲朋友到場陪他,「起碼冇咁驚。」他自稱為家人瞓身排隊,預算買20張門票,「等媽咪嗰日(開售日)落嚟買!」他說排第二位的內地漢及排第三位的南亞漢都好好人,他們三人間中會傾偈,見到會打招呼,「本身唔識,排隊時同佢哋冇衝突,大家幫大家。」黃同學說,「佢(內地漢)話幫屋企人買,佢遲我兩、三日嚟排。」他獲悉內地漢受傷後,坦言「如果有人幫我頂住,可能去睇下佢。」但被問到會否幫他買票,他又說「遲啲再算。」

相關新聞:【排隊捱斬】歌迷:難敵排隊黨 「預咗走 機會好渺茫」

他說今晚「會搵多幾個朋友嚟陪我,屋企人知道呢件事(斬人),有人嚟陪我就冇咁驚!」


你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載