› 選擇地區
三藩市
紐約
洛杉磯
其他美國地區
香港 台灣 北美
 
2018年08月26日

【排隊捱斬】歌迷:難敵排隊黨 「預咗走 機會好渺茫」

沙田大會堂已有人排隊買劉德華演唱會門票。(周鴻熙攝)
建立時間 (HKT): 0826 13:58

劉德華演唱會門票於下月4日開售,現時已有人在各售賣地點排隊,等候開售一刻。其中柴灣道青年廣場的售賣點,凌晨有排隊人士遭斬傷。有其他排隊人士坦言擔心事件蔓延各售賣點,無奈表示「預咗走,冇可能買到」。

相關新聞:【排隊捱斬】恐藏武器犯案 警員檢視霸位帳幕

周先生在沙田大會堂排隊買劉德華演唱會門票,對於凌晨有排隊人士捱斬,周不諱言:「其實驚㗎」,他指2日前曾來排隊,但大會堂的保安不時來巡查,會收走不在場排隊人士的雜物,「佢哋(保安)來巡時見到有人看住啲嘢,就容許排,如果啲嘢冇人看住,冇人認領就會收走。」周先生早兩日來霸位,留低摺凳,結果因為當時人不在,被保安員收走了。他遂今日再來重新排隊。

他自言是劉歌迷,門票是自己用的,不是排隊黨,「我有6個朋友想睇,佢容許我買幾多就買幾多張飛。」他又謂:「依家咁樣,睇嚟好難買到,9月初先公開賣,得我一個人(排隊),機會好渺茫,佢哋(排隊黨)始終多人,平時唔使返工,可搵人看住啲嘢。」

相關新聞:【排隊捱斬】排頭位男生:曾畀人騷擾 打咗我一下

周先生在對上一次(2010年)劉德華演唱會,他在開賣前一日凌晨去排隊,雖然前面排了10多人,但他亦成功買了最貴的門票。「嗰時仲買到飛,因為全部都係歌迷,依家嗰啲話自己係歌迷,但無從斷定,你冇佢符!」

他坦言上次仍買到貴價票,今次有排隊黨入侵,「今次好惡劣,機會好渺茫。買黃牛飛未必負擔得起,我預咗買唔到,佢哋(排隊黨)咁有組織,買晒啲上限.....我預咗走,冇可能!」

至於大埔文娛中心,停車埸後門亦擺放了十多張「凳仔」,但不見排隊人士,有凳仔上面貼有「排隊10人」、「排隊12人」,即一張凳仔已代表買10張門票。

你敢爆,我敢獎! 立即WhatsApp《蘋果》24小時爆相爆片熱線致電:63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載