蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月02日
馬上成為壹會員

【暑期求職陷阱】放蛇踢爆「撳錢黨」 兩小時賺5.5萬騙局

建立時間 (HKT): 0702 00:01

暑假臨近,不少學生哥、待業人士,甚至家庭主婦,均四出找兼職工作,圖賺取外快。《蘋果》發現不少騙徒覷準機會,借熱門網上平台例如Facebook和Instagram等發帖招聘,強調短時間內可「搵快錢」,以「不限男女 絕非色情毒品 幫你解決燃眉之急」等字眼作招徠騙財。

相關新聞:【暑期求職陷阱】「撳錢黨」走資洗黑錢 幫手撳都犯法

記者放蛇並找到受騙事主自白,踢爆騙徒最新興的假「撳錢黨」騙局,以及兼職打字員變「淘寶打手」等離奇騙局。有事主更連續被哄騙兩次,於世界杯前,誤墮足球貼士騙局。他大嘆:「可能我入世未深,或者仲年輕,其實我都覺得唔可信,有冇咁大隻蛤乸隨街跳呀,搵快錢有冇可能呀?」

20歲的劉先生,數月前在Facebook見到招聘帖子,表明「零風險快錢 限期最後2日」,他於是透過whatsapp聯絡「僱主」Kelvin,對方透過錄音表明工作簡單,純粹幫朋友撳錢。劉憶述:「(佢話)幫佢撳走30張(信用)卡(嘅錢),每張撳2萬,30張總共60萬,就有5.5萬(收入)」;另可選擇撳15張信用卡,收入2.8萬元。

相關新聞:【暑期求職陷阱】應徵打字員變「淘寶打手」 港女:貪字得個貧

Kelvin強調過程僅最長兩小時,會安排專車到劉的寓所接送他,去油尖旺一帶撳錢,「有啲人話驚,要朋友陪都得」。完事後,劉可即場在車上以現金出糧。但Kelvin指必須先交500元保證金。劉決定先試做15張信用卡,並過數500元給對方。

可是,Kelvin之後以「老細唔俾佢攞咁少卡」為由,要求劉加碼至撳30張卡。劉氣憤稱:「我都知上網呢啲係呃人,都覺得唔可信,交咗錢之後,佢又話唔得喎,作咗好多個理由,不知所謂㗎聽落去,我已經開始覺得受騙,(但)我俾多次機會佢,加多500俾佢。」劉前後共付1,000元後,去方即去如黃鶴,不再回應他。

劉回想事件,仍指:「佢哋當初話講個信字,其實我都知冇可能㗎喇,點可能有個信字呀上網呢啲嘢,我都覺得……其實半信半疑……我覺得一千蚊你話當做善事又好,算啦,呢啲人收得呢啲錢,遲早都冇好過,呢啲陰質錢嚟……我個人比較寬宏大量,咁就算,受騙過一次就算啦,唔好再錯咪得囉。」

另一位被騙的女事主KC向記者稱,她數月前向Kelvin查詢後,感到可疑。Kelvin即向她稱有另一種賺錢方法,但回報較少,就是要求她在兩個三千人以上的網上群組,發出招聘帖子再分享出去。

Kelvin游說她「去求職呀、招聘呀、快錢呀、廣告呀、賺錢呀嗰啲群組,你做完影相俾我,之後開始計6個鐘,就會出一次糧,750蚊。你可以叫埋朋友做,你開俾你啲朋友500蚊一個群都得。」但KC依指示發帖後,Kelvin即沒再回應她,她亦急急刪除帖子,不過最終劉先生因見到她的發帖而被騙,她和劉均沒報警。

記者曾放蛇聯絡Kelvin,他透過錄音稱「做埋呢一兩日就唔做」,強調過程「同普普通通撳錢一樣,完全唔會犯法,完全冇風險,你確保安全先去做」,又指曾有人撳錢後走佬,令他及公司損失60萬,「我哋都唔係計較呢啲,重點係Facebook、Instagram太多人玩嘢放飛機,我哋要安排人、安排卡,同埋安排車,我哋唔係驚你走數,淨係要confirm到你出嚟。」當記者問及Kelvin「點解撳咁多錢,真不犯法嗎?」他即發惡稱「你這個臥底,你同我行X開啦,你呢個差佬烏龜臥底。」

大律師陸偉雄指出,上述騙徒已干犯「以欺騙手段取得財產罪」,最高刑罰監禁十年,「(判刑)一般嚟講一定要坐監,呢個係大原則。」他指即使受害人最終未有損失,警方亦可控告騙徒「欺詐罪」,「詐騙即係話你依家想做一個行為,不過我就好聰明,識穿咗你,又或者其他原因,總之被騙嘅人未有實際損失……法律上呢個行為呃我,我發現到你,係我聰明咁解,唔係代表你冇犯法。」

警察公共關係科回覆指,今年首四個月網上求職騙案共58宗,事主損失金額共780萬元;去年及前年分別有87及51宗,損失金額分別為670萬及700萬元。

記者:李啟發 劉卓瑩 攝影:周子惇

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載