蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月29日
馬上成為壹會員

【奪命火警】逃生過程秩序良好 住戶:警鐘遲咗5至10分鐘響

建立時間 (HKT): 0629 10:38

西環龍華街20號觀龍樓二座清晨發生火警,一名男住客從高處墮下死亡。

相關新聞:【蘋聞重溫】觀龍樓前年曾發生縱火墮斃四死慘案

30樓住戶盧小姐指當時正在睡覺,聽到火警鐘響,馬上起床帶著愛寵包括3隻貓1隻鳥逃生。「攬晒啲貓、雀,乜嘢都唔理啦,跟住即刻落嚟」,她表示3隻寵物貓都害怕得渾身顫抖,而逃生過程中亦不小心將裝有寵物「愛情鳥」的鳥籠跌在地上。而她說逃生時忙著收拾東西,所以看不到有否濃煙,只是嗅到有燒焦氣味。

40樓住戶莫先生表示火警時聽到有爆炸聲以及嗅到有燒焦氣味,但他當時並不害怕,「我都未訓醒,懞下懞下」。又說逃生時不見混亂情況,「唔混亂,消防員都疏散得幾好,個安排都幾好」。他亦指聽到街坊說火警原因是由於涉事單位冷氣機短路而爆炸。

相關新聞:【奪命火警】死者胞兄到場了解 父母仍未知弟弟死訊  

文小姐住在43樓,她逃生到地下後說心情仍有些緊張,「即刻打俾屋企人報平安」。她說火警時見到有煙後不久就嗅到燒焦氣味,「越整越多,越整越濃,跟住就意識得到(發生火警),跟住先聽到火警鐘響」,接著就拍房門叫醒熟睡中的家人,「再回睡房,見啲煙越來越多,跟住就開始收拾東西,拿門匙、毛巾等」。

她表示火警鐘遲了5至10分鐘才響「係遲咗啲,因為我見嗰時已經係有煙出,應該要響」。又指逃生時煙已湧至後樓梯,她的妹妹亦吸入濃煙不適。她表示部分人警覺性較低,「唔知係咪5點幾,啲人瞓緊覺」,「去到差唔多15樓先至見到有人開始落嚟,去到差唔多9樓先有人問咩事,有啲直情唔落嚟,留喺屋企」。

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載