蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月14日
馬上成為壹會員

【爆相爆片】12點後元朗佢話事? 黑幫惡爺橫行拍打警車當阿sir冇到

最後更新: 0514 22:31 / 建立時間 (HKT): 0514 13:07

【22:31】警方發言人指,根據警方記錄,於過去六個月於元朗西菁街及西裕街一帶共接獲四宗發現醉酒人士及一宗打架的報案。警方一直採取適當行動,包括巡查元朗區內罪惡黑點,並因應不同情況,適當調配警力,以維持區內治安。警方會繼續留意區內情況,如發現任何違法行為,定必採取適當執法行動。
【19:35】消息稱警方高層高度關注今次事件,不滿巡邏車對尋釁生事的黑漢過度忍讓,令公眾覺得警員太懦弱。警方會內部調查事件,亦將會向全體新界北負責行動的同僚解釋事件,指出今次處理手法不夠專業。
【16:18】據悉,拍打警車的「惡爺」疑有黑社會背景,去年曾被刀手斬至入院。

相關新聞:惡爺囂張拍打警車 元朗大反黑拘24人

元朗西裕街是街坊宵夜嘅聚腳點,但不時有惡爺在上址疑恃醉橫行,搞到居民不勝其煩!讀者send咗一段今日喺fb熱播嘅片嚟,嗰段兩分鐘嘅片見到西裕街夜深時份,有一位好似有小小醉、穿著夏威夷恤嘅惡漢喺馬路上橫行,妨礙路過車輛,當時剛剛有一部警察衝鋒車經過,但惡爺唔止唔閃避,反而走埋警車拍打警車嘅車頭,佢仲隔住擋風玻璃「手指指」疑似指罵車內嘅警員,附近則同時傳出粗口聲,但就唔知係邊個鬧緊邊邊個喇。當大家以為阿sir會落車還擊嘅時候,阿sir卻竟然「忍」,慢慢駛走架警車好似當冇事發過。結果喺網上惹來議論紛紛,質疑阿sir會否過份溫和,恐怕助長咗呢啲惡人。

夏威夷恤惡爺「搞」警車時,其實佢身邊有朋友搭拒搏頭,疑似打圓場,唔想搞大件事,但惡爺繼續在馬路上「橫行」,好似當條馬路係佢咁,路過的私家車唯有慢駛及「讓讓佢」。上載影片到fb「老實香港人」嘅網民留言慨嘆:「到底片中邊個最大?十二點之後元朗係邊個話事?」

不過咁,「一山還有一山高、惡人自有惡人收」。段影片播到48秒,突然間畫面左手邊出現咗一個黑衣男,佢第一句講「凍檸茶」,好似喺同附近宵夜檔落單食野咁款,但黑衣男隨即指罵穿夏威夷恤惡爺,大聲鬧佢「你乜事啊你?嘈乜野啊?」。呢個黑衣男來頭應該唔簡單,因喺同一時間,附近突然出現咗六、七個其他穿黑衣男子,疑似係佢嘅朋友或手下,一時間現場再次粗口滿天飛。

夏威夷惡爺見唔對路,啲氣焰突然消失晒,佢同朋友走向街的另一邊疑似「散水」,但黑衣漢同班friend有跟住慢慢追上去,結局係點小記就唔知喇。但全程疑似坐喺路邊宵夜檔張枱用手機拍片嘅片主,枱面好似真係有碗花生,所以有網友笑稱佢今次係名副其實「食住花生睇戲!」

不過呢段影片拍攝日期不詳,《蘋果》正向警方了解緊事件。

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載