› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

【孖B冇人理】21歲仔北上打機玩《食雞》 阿媽聲淚俱下:新抱好可憐

最後更新: 0509 12:44 / 建立時間 (HKT): 0509 12:01

孖B的17歲內地媽媽,因為雙程證到期,要返內地辦理證件才能回港照顧BB,一對孖B現時留院由祖母看顧。祖母提到兒子的任性,心痛落淚:「個仔太唔聽話,點解生咗個咁既仔!」她坦言昨日報警只謂懲罰兒子,不料卻累及媳婦,非常心痛「佢好可憐,咁細個嫁呢樣既老公!」她透露,內地出生的兒子近年沉迷手機及電腦遊戲,包括在中港大熱的《食雞》(正名是《絕地求生》),幾乎每周都返內地數天打機,孖B乏人照顧,令做母親的心痛及無奈,感前路茫茫。

相關新聞:【孖B冇人理】《食雞》遊戲如荒島大逃殺生存率僅1% 血腥惹爭議唯每月收入逾億美元

孖B的祖母姓沈50歲,3年前帶同與前夫所生的兒子內由地來港。兒媳在內地時,是同一學校不同年級的同學,去年奉子成婚。

沈女士坦言兒子不生性,即使已為人父,還是沉迷打機,特別是近月大熱的網上遊戲《食雞》。「個個禮拜去,無一次唔去;去一日都唔返嚟,呢D已經好正常。」兒子做裝修散工,日薪約500元,但從來沒有給家用,「一有錢就(返內地)攞去打機,BB出世要用既錢,都係我畀。」她在菜檔工作,主要返夜班,但仍不時要幫手照顧兒子BB,心力交瘁。

相關新聞:【孖B冇人理】年輕媽現身解畫 堅稱冇丟低孖仔

她指媳婦才17歲,什麼也不懂。「我唔怪佢(媳婦),自己一個人湊住兩個BB,點湊呀?飯都唔到口。」她從不護短「個仔真係太唔聽話,點解生咗個咁既仔? 點解咁唔聽話,我都唔明白。有人性既都知道,老媽子幾十歲,單親家庭離咗婚,個新抱又細,佢要做嘢嘛!」說時聲淚俱下。

其實媳婦是打算將BB帶返內地娘家,由自己母親湊,原定昨日替BB領取回鄉證,不料兒子於周一凌晨卻突然出門,媳婦急急北上尋夫。「佢(媳婦)話去咗拿拿聲返嚟既,點知又係幾個鐘,搵咗好多地方都搵唔到。」她一怒之下報警,目的是要找兒子出來,豈料如今媳婦惹官非。岑女士含淚撐媳婦:「佢好可憐,咁細過嫁呢樣既老公。佢阿媽唔傷心呀?佢阿媽心痛過我啦!我都係女人嚟既!」

她指媳婦已經刻盡母責,「有次BB瞓咗,個仔叫佢去深圳玩幾個鐘,新抱都唔去。」岑女士指如今「個仔唔見咗,我又要返工,好煩呀!」一家幾口全靠她菜檔工作的入息,相當吃力。她歎說:「你(仔)可以唔生呀!生咗又係我(養),一路檢查BB,都係我,洗咗好多錢。新抱都可憐,十幾歲嫁畀佢,17歲識咩啫!唔怪得佢。我報警唔知道會搞到個新抱,以為搞個仔,搵到佢教訓吓。」

《食雞》正式中文名叫《絕地求生》(簡稱PUBG),是一款2017年由南韓推出的多人網上射擊遊戲。每局遊戲會安排玩家在荒島混戰,需要互相追殺,「死淨種」會成為贏家,由於贏家會見到句「winner winner, chicken dinner」(意思是贏家今晚有得食雞肉),所以香港玩家戲這款遊戲叫《食雞》。此遊戲有電腦版、Xbox One版、Android及iOS等多個版本,在全球包括中港都非常流行。

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載