› 選擇地區
三藩市
紐約
洛杉磯
其他美國地區
香港 台灣 北美
 
2018年02月19日

【狗狗有情】被虐金毛尋回犬成狗醫生 主人:養狗係一生一世承諾

金毛尋回犬Oscar少時經歷前主人虐待,幸獲現任主人救出生天,現時成為狗醫生,經常出席探訪活動。
建立時間 (HKT): 0219 00:35

品性善良的金毛尋回犬,一向人見人愛,可惜來自澳洲的Oscar卻沒有被眷顧,遇上虐待牠的主人,導致牠全身潰爛,瘦弱不堪。疼錫動物的Pinky在狗會再度重遇牠時非常心痛,誓言要救走牠,Oscar命運才得以改寫。農曆狗年前牠亦有偕其他狗醫生探訪小朋友,深受歡迎。

相關新聞:【狗狗有情】邊款狗隻唔做得狗醫生?

記者:張珮琪

Pinky指她邂逅Oscar的地方是一個狗會俱樂部,她以前經常帶愛犬到上址游泳。她憶述初次見到Oscar還是初生狗BB,她形容第一眼見到牠便「嘩」了出聲,「隻狗好得意、好靚,佢係有出世紙,喺澳洲番嚟。點知第二次見佢就畀人虐待,你係估唔到,你冇諗過一隻純種狗、萬千寵愛在一身,見到會bling bling(雙眼發光)嘅狗,我點知佢遇到嘅主人係咁樣!」

相關新聞:【狗狗有情】克服坎坷走出狐獨 狗醫生Wesley慰藉人心

Pinky了解過,原來Oscar的男主人經常出外公幹,交由女主人負責照顧,但對方聲稱不滿牠四處小便及吠叫而虐待牠。但她對女主人說法有保留,她指第一日接Oscar回家,牠不單沒吠叫,而且懂得去狗廁所。Pinky是幾經中間人與狗主交涉,要求對方停止虐待及棄養交給她照顧,在兩個月期間不斷探望Oscar建立信任,最後才成功帶牠回家,當時牠13個月大。

「你一舉起手佢已經匿埋!佢瞓覺時成日會扎醒,同埋警覺性好高,有人行過就會彈起身。」Pinky形容初時Oscar怕人怕得要命,但其實牠本性善良,不會攻擊人,「如果你畀愛佢,牠其實係一隻好聽話同埋好黐身嘅小朋友。」Pinky本身家中已養了3隻狗,其中一隻Donna是狗醫生,是Oscar的好榜樣。直至Oscar的陰影漸漸消除,Pinky帶牠去考狗醫生。

現時12歲的Oscar,6年前正式加入狗醫生行列,Pinky笑言最深刻是帶Oscar去小學探訪,小朋友過份熱情,一窩蜂衝向牠,嚇得佢捐落凳底,待小朋友平復高漲情緒後,牠才敢現身。Pinky認為,她給予Oscar愛與關懷,同樣地,Oscar亦帶給小朋友無限溫暖。去年Pinky其他3隻愛犬年老離世,她將愛心繼續分給Oscar及家中8隻貓,她語重心長說:「養狗係一生一世嘅承諾!」

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載