就大埔九巴翻車慘劇，網上流傳訊息指香港紅十字會呼籲市民捐血。雖然紅十字會已澄清有關訊息不是由中心正式發出，乃熱心市民自發性呼籲捐血，但有關呼籲一呼百應，各捐血站均見人頭湧湧，大排長龍。
其中在銅鑼灣羅素街捐血站，捐血者逼爆站內，站內貼出指示，表示輪候時間須3小時。陳女士帶著家傭，主僕同來捐血，她指收到電郵，指大埔車禍的傷者須大量輸血，就算以往並無捐血經驗，她樂意獻出第一次。林先生則今早看到網上呼籲，指因應大車禍，血液需求處於極高水平，他遂嚮應呼籲，前來捐血，「好多人等，先填表，攞籌，再等叫number，要等三個鐘，或者轉頭返嚟，或者再揀另一日去捐。」潘先生今早看到新聞，「想幫吓人」，「太多人了，呢個星期搵平日再去捐。」
荃灣大河道捐血站亦大排長龍，其中余太一家三口到來，由下午1時許，等到3時仍未能入內捐血。她指在網上新聞及fb獲悉有關呼籲。「挨年近晚，發生咁嚴重車禍，好傷痛可惜，19人死，咁多個家庭，希望佢哋家人早日由悲痛恢復過來，如果報道有關司機的駕駛態度係屬實的話，司機要負好大責任，載滿人，咁樣的駕駛態度相當唔要得，唔理佢係咪疲勞駕駛，揸車要盡力同安全送所有乘客返屋企，完成工作，唔能夠話受氣就咁樣。」她又坦言獲悉慘劇，「好唔舒服、好唔開心，過幾日就過年，死者好無辜，只係一程車。」她以往有捐血，但從未見過咁多人，「香港人咁熱心，值得鼓舞，守望相助。」
你敢爆，我敢獎！ 即Call《蘋果》24小時爆相爆片熱線 ：63836568
