蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月21日

【吊臂撞橋】拆橋工程完成 柴灣道解封

135,067
最後更新: 0121 14:01 / 建立時間 (HKT): 0121 00:39

【17:10更新】新增動新聞
【14:00更新】新增肇事司機訪問,他承認自己大意,「阻咗好多人」
【12:42更新】新增動新聞
【10:50】西行線全線解封
【10:00】工程人員將天橋的梯級部分亦拆除移走,西行線有待解封
【07:00】被撞毀橋身拆除,由貨車運走
【06:00】拆橋工程仍在進行
【01:55】出事吊臂車駛走,工人開始拆除撞毀的天橋
【01:40】吊臂拆除及降下
【01:15】工程人員開始拆除吊臂

相關新聞:【吊臂撞橋】天橋鋼結構嚴重受損 部份需要清拆

柴灣道昨午發生重型吊臂車撞行人天橋意外,令致橋身嚴重變形,柴灣道來回至早上仍然需要封閉,途經巴士亦要改道。路政署指行人天橋部份鋼結構及附屬高架標誌嚴重受損,因此有需要移除柴灣道西行方向一段嚴重受損的行人天橋結構。

路政署昨晚出動4部重型車輛到場,分別於涉事吊臂車的前後及左邊,負責固定該車及橋身。至凌晨零時左右,車頭升起45度的吊臂車,車輪已經著地。由於吊臂車的吊臂撞橋時出現彎曲,升起的吊臂無法降下,吊臂車著地後被移往天橋較後位置,其後拆除吊臂及駛走。

相關新聞:【吊臂撞橋】天橋清拆重建料花數百萬 商用車保險未必夠賠

被撞至變型的行人天橋仍由重型吊臂車固定,工程人員開始燒焊,拆除損毀的行人天橋。工程通宵進行。至早上7時,被撞毀橋身已拆除,由吊臂吊起運到貨車載走。至早上8時許,人員將天橋的梯級亦拆除移走,完成整個拆除工序,目前仍封閑西行線往筲箕灣方向,東行線則不受影響。至早上10時50分,西行線全線解封。

肇事葉姓司機在醫院留醫一晚後,今日中午出院,他在醫院受訪時談及意外,說到可能要賠償百萬元,他一臉無奈表示,「擔心都冇辦法,責任係你,你一定要賠㗎。如果要我賠,我冇錢點賠,唯有慢慢嚟,逐啲畀番出嚟。我一定有部份責任,係我自己大意,機件故障唔大,我自己大意。」

葉駕駛吊臂車30多年,昨日朝8晚5到筲箕灣一間中學對出球場工作。他說完成工作後,「當時將吊臂升咗好少,將底部留空間放木枕,放完木枕,但唔記得壓番落去,本來車頭應望到個勾,但當時冇留意,吊臂車剛落斜,我視線望落去,睇唔到上面,因剛高過少少車頂,我聽唔到其他車司機砵我。」

他形容撞橋一刻衝力頗大,30至40公里,「成架車升高,我以為撞壆,被困個多小時,一直流鼻血,消防叫我唔好郁住,用雲梯嚟救。」他形容意外驚險,自己撞到軚盤撞爆鼻骨,縫了幾針。雖然駕吊臂車30多年,但承認「失魂起上嚟冇辦法,我都累咗好多,阻住好多人」,他擔心賠償昂貴,「我都唔知點,到時再算。」他指警方未與他落口供。他出院後將與公司聯絡商討善後情況。


你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載