蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月13日

【坎坷小姊弟】8歲女拍短片吐心聲:淨係要媽媽細佬

387,442
建立時間 (HKT): 0113 15:40

旺角南頭街糞屋虐兒案,單親媽媽遇人不淑,蝸居劏房,獨力撫養一對8歲和4歲的子女。稚子無辜,目睹媽媽的痛苦,並非全無感覺,特別是長女已經8歲,知道媽媽生活得不開心,於是自拍短片,表達對媽媽的愛:「之前願望係好想爸爸、媽媽、細佬、家姐響埋一齊,依家唔駛喇,淨係要媽媽細佬」,媽媽看了自言「一路睇一路喊」。

《蘋果》讀者傳來一條短片,片長1分20秒,片中女童正是疑被疏忽照顧的8歲女童自拍。她有條不紊地訴說對媽媽的愛:「我知道你好辛苦,媽媽唔好唔開心。我知道我自己呢,成日都唔知道自己響度做咩嘢。我知道媽媽你身體好差,又好唔舒服,腰骨痛,但係你唔駛驚㗎,有我哋喺度。」、「我之前願望就係呢,好想爸爸、媽媽、細佬、家姐(自己)響埋一齊,依家唔駛嚟喇,我淨係要媽媽細佬得㗎喇!我真係好想我哋一家人開開心心咁樣食餐飯,開開心心咁樣,媽媽你身體好番呢,我哋一家人開開心心,唔駛理爸爸㗎喇!」

作為媽媽,她於去年8月26日將短片上載到fb,留言「覺得心痛」自言「一路睇一路喊」。她曾向女兒了解拍片的原因,得悉愛女心意,即表示心如刀割,hashtag是「今生無悔」。

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載