› 選擇地區
三藩市
紐約
洛杉磯
其他美國地區
香港 台灣 北美
 
2017年12月14日

【予恩加油】B女輕微肝硬化 父親︰揉她腳會自己抬起 有反應!

建立時間 (HKT): 1214 20:27

1歲B女小予恩在瑪麗醫院進行「肝腸脗合手術」後,家屬疑院方涉連環失誤,致令她腦缺氧昏迷4天( http://bit.ly/2AS8HV4 )。予恩父親表示,予恩仍未有意識,雖然可以張開眼,惟暫時「睇唔到嘢」,但仍有少許進步,「揉她腳會自己抬起,有反應」。父親續稱,據醫生指予恩
的肝酵素雖有下降迹象,但化驗結果顯示有輕微肝硬化,他們十分擔憂。

相關新聞:團體質疑急救本末倒置

對於瑪麗醫院行政總監陸志聰指予恩「醒咗」,父親直斥其說法「荒謬」,「實我唔理解乜嘢叫做醒咗,定義係乜?」父親續稱,予恩由9號開始已懂張開眼,但追蹤不到任何東西,「咁同醒嘅定義其實相差很遠,唔可以話佢去醒,我哋最擔心雖然佢識張開眼,但其實係冇意識嘅,唔識認人嘅,擔心佢變植物人。」他又指,醫生透露暫時未有證據證實予恩的腦部受損,需要等待腦部磁力共振後,才能評估情況,但據臨床表現,暫時確定腦抽筋的風險較細。

另外,院方回應當時醫生指手術後情況穩定才送予恩去普通病房而非ICU,父親直言「其實我到依家都唔接受(解釋)」,因為11個月大的BB做完大手術,一定會有潛在風險,至少要讓予恩留醫ICU一日才可以評估。他又指,院方要了解醫療人員的說法之外,亦應主動接觸家屬了解,而非單靠醫護人員的一面之詞,現時做法有偏袒醫護人員的嫌疑。

相關新聞:幼嬰五千分之一機率患上

予恩父親向記者表示,是太太最初發現予恩面發紅、嘴唇變紫,當通知醫護人員時,對方只稱是正常反應。他又指,醫護人員見前後兩次呼吸機及心跳機沒有數據後,只懂換機,但未有即時了解予恩的身體情況,「當時我,太太及我媽媽三人喺現場睇住,我媽媽及太太都要求護士叫醫生,當時護士有啲猶豫,非即時叫醫生,到我出聲話叫醫生,她先叫醫生。即使(實習)醫生來了,亦非即時急救,而是睇BB的資料,睇數據。」他又提及,當時是另一位助理用手摸予恩胸口,得知心跳停頓,而且身體冰凍,才通知其他人增援,「所以之後的施救及心肺復甦,都不是最初的護士或(實習)醫生去做。」他續稱,「要講番真相出嚟,唔能夠(接受陸先生)單方面聽醫護人員的解釋」,並促請盡快向公眾交代事件。

你敢爆,我敢獎! 即Call《蘋果》24小時爆相爆片熱線63836568

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載