蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月03日
馬上成為壹會員

【寶馬撼單車】結伴集訓出事 同行胞弟泣訴:我以後都唔踩單車

最後更新: 1103 19:43 / 建立時間 (HKT): 1103 12:00

「佢對我好好,一直幫我。踩單車都幫我擋風,踩在我前面擋住...一直以嚟都係咁...我會取消行程(單車比賽),以後都唔踩喇...」郵輪碼頭昨晚發生車禍( http://bit.ly/2fhXh12 ),3部單車被越線的寶馬房車撞倒,其中23歲梁永漢送院不治。《蘋果》聯絡到同行的胞弟永彬,他憶述與哥哥手足情深,泣不成聲。

相關新聞:【寶馬撼單車】其中一傷者返承豐道助查

永漢共有3兄弟,他是家中「老大」,永彬是老么,他們與二弟永賢都熱愛踩單車,已經報名參加本月中在珠海舉行的30公里單車賽,連日來都加緊練習。

永漢熱愛踩單車,實情是受二弟影響。二弟永賢說:「大哥一直經濟上支持我買單車,我先可以發展成興趣。佢做Pizza hut及美心廚房(兼職),每個月出糧都會比錢我。」久而久之,永漢自己也愛上踩單車,至今已有兩年經驗,每星期踩四、五晚,備戰比賽更差不多每天都踩。

相關新聞:【寶馬撼單車】家人傷痛路祭 捐死者眼角膜遺愛人間

昨晚,「老大」永漢、「老么」永彬偕一朋友出車。永彬說,哥哥行首位,他第二,朋友最尾,他們依次序行駛,離開郵輪碼頭。「踩到中途,逆線有架寶馬私家車,過咗半條線過嚟,隊到我大佬。私家車擋風玻璃爆裂,大佬飛高咗3米再跌下,跌在房車車尾...」說到這裡,永彬哭成淚人。

永彬哭說:「私家車想爬頭,佢前面得架單車,點解咁都要爬頭?」車禍中暫時未有人被捕,他激動喊叫:「咁耐仲未拉佢?」質疑警方未有將涉事司機繩之於法。永彬指,父母痛失兒子「喊左成晚」。

永漢在樹仁大學讀4年班,同時亦加入輔警行列,今個星期輔警入營受訓,他向大學請假一星期。

想睇最新消息? 即時follow【現場-蘋果突發】 fb! http://fb.com/applecitycrime

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載