蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月04日
馬上成為壹會員

【短片】【東鐵聲戰】小朋友喊足4個站「軍佬」爆Seed怒吼

建立時間 (HKT): 0204 06:00

港鐵發生喊包童嘈㷫「軍佬」事件!早上11時許,讀者曾先生搭乘港鐵東鐵線落馬洲開往紅磡的列車,當列車駛至太和站時,見一名婦人推著嬰兒車進入車廂,並坐在座位上,「個BB仔唔知點解,失晒控,係咁喊,佢媽媽又控制唔到。」曾先生指出,列車途經多個車站,在嬰兒車上的男童情緒不穩,不時大聲哭喊,並站起來用手搲母親。「個BB喊得好大聲,喊咗幾個站,成車人都望著佢哋,希望個媽媽可以控制一下個BB,坐喺佢隔離個後生仔同阿伯都走開咗。」

由曾先生拍得的短片可見,當列車抵達大學站,該男童情緒仍未受控,嚷著要落車,男童母親只用普通話安撫到:「待會我們下車、坐好一點。」其間一名身穿軍褸及皮靴的男子,突然衝上前將嬰兒車冚撐開,怒罵男童:「收聲呀!收聲呀!聽唔聽到?」隨後指罵母親,「你咁樣教仔嘅咩」,男童母親即表示對方將兒子嚇怕:「一點公德心都沒有!」軍褸男嘰到:「害甚麼怕?你這樣教孩子嗎?」並著對方離開車廂。

曾先生指出,列車抵達沙田站時,該對母子才落車離開。他認為事件中「雙方都有錯」,男童母親「應該要落車,唔應該喺車上嘈。」而軍褸男的動作亦過火,「佢唔需要咁大動作,講吓就得,佢都試過好聲好氣,但最後自己都控制唔到。」

想睇最新消息? 即時follow【現場-蘋果突發】 fb! http://fb.com/applecitycrime

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載