蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月03日

【短片】【借錢搶錢(四)】一個簽名欠債2萬變215萬

柳女士「矇查查」欠債215萬元,一家永無寧日。
建立時間 (HKT): 0803 06:00

「傻咗,好似畀人呃,唔知會發生咁大件事……𠵱家都唔知點解孭咗200幾萬數!」62歲的柳女士為家庭主婦,與丈夫住在舊式唐樓,子女每月有給予家用,原本生活無憂。惟3年前,接了一個「coldcall」,結果她「矇查查」欠債215萬元,一家永無寧日。

「佢哋話可以幫我傾減息或可以再借錢。我諗借幾萬銀來使下,咪應下佢囉!」有養狗的柳女士,因不時為愛狗添置物品,早年欠了兩萬元卡數,聽到電話推銷員稱「簽個名就可以借到錢」,遂依約傾談。

二人在一間快餐店坐下,柳女士按「職員」要求在一份文件上簽名。一周後,她收到一個追數電話,指雖沒成功貸款,但要繳付4萬多元顧問費。「錢都未借就話要收我幾萬服務費。」她感到不知所措,對方「好意」介紹她向另一財務公司借下5萬元來清還顧問費。

豈料,不斷有中介公司致電她,以「一筆清」和「數冚數」方式,游說她簽名借款。如是者,柳女士再借20萬元,但實收僅12萬餘元,「後來佢哋帶我去銀行開個新戶口,做晒自動轉帳還款去其他戶口,但轉去邊我就唔知。」短短半年內,12萬元亦被人轉走。

「呢個時候我開始知驚,因為還唔到錢。」她越驚越簽下不同財務公司的借貸,欠債越滾越大。2013年中,一間中介公司稱她欠債達140萬元,「佢話只可以按咗間屋還錢,間屋係我同先生聯名,單一個人做按揭可以借155萬,又叫我上律師樓簽名;我連支票都冇見過,就話按揭嗰155萬元攞來還晒債,原本剩嗰15萬都話畀埋中介費。」

事後家人才驚悉事件,女婿陶先生翻查其戶口紀錄,根本無發現相關款項,「所有借款都係冇單冇據,但岳母已經按咗層樓畀銀行。」以為每月還6,000多元,分30年,慢慢還事件就告一段落,但中介公司食髓知味,今年初再致電指她仍有一筆40萬元債項,並着她將物業按上按套現60萬元。

現時柳女士已孭債215萬元,只好申請破產,但「吸血鬼」未有放過她,近日常有人上門追債,有家歸不得,夫婦需分開寄居在子女家中,女婿直指整個借貸是有人精心編排的騙局,已報警處理,「直情好似詐騙咁,而家最擔心家人嘅安全,老婆工作地址都被騷擾,唔敢返工!」

《突工隊》四圍去,大小事都為你追!

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載