蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月03日

【借錢搶錢(三)】無良財仔冒房署:未補地價都按到

61,988
最後更新: 0803 22:42 / 建立時間 (HKT): 0803 11:00

「吸血鬼」財仔的掠水手法層出不窮,除了Peter的公屋單位外,就連未補地價的居屋,財仔亦不放過。

「你層樓未補地價,我哋都可以幫你做到按揭,仲可以幫你一筆清還所有債務,利息好優惠。」三個多月前,55歲的何先生接到個「cold call」,對方自稱是一間財務公司,一開口就能講出其債務情況及有一個已供斷的居屋單位。

任職推銷員的何先生,月入3萬元,與月入2萬元任職文員的妻子,早年聯名購入一居屋單位,現時該單位市值約200多萬元。

由於何先生有筆30萬卡數一直未還清,每月付最低還款額也感吃力。「聽佢講到好似百利無一害,於是上去睇睇啦!」何先生帶齊文件到財務公司,「當時我見到個門口有房署個標誌,啲信封又有房署個標誌,我以為間公司係房署轄下嘅公司啦,所以咪放心咁借囉!」

當時該財務公司指為做好其信貸評級,建議他分別向四間財務借30萬元,即總數120萬元貸款,但實際總數只收40萬元。其後他因無力還款,只好瞞着妻子,將夫妻聯名的居屋做了半層樓的按揭,借了120萬元來還債,「後來先知佢哋每間公司收我20萬手續費,四間公司收咗80萬。」

事後,何先生終不得不向妻子坦白,「老婆梗係嘈住話離婚,依家焗住每月要供3萬銀來還呢筆債。我知80萬係唔合理收費,但我哋小市民邊有能力搵錢同啲財務公司打官司呀!」

他其後問過相關律師,才得知原來未補地價的居屋根本不可以做按揭,「依家財務公司係用協議文件方式,即大家簽署協議文件做咗半層樓嘅按揭,真係報警都冇用!」

《突工隊》四圍去,大小事都為你追!

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載