蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月12日

【短片】【突工隊】嚇壞網民Trailer片美國奪獎

他們二人所拍的短片過於驚慄,去年7月曾一度引起恐慌。
建立時間 (HKT): 0712 06:00

「對唔住啊媽咪,我唔知以後可唔可以再見到你啊,我𠵱家唔知點算好,我啲friend全部都死晒。」網民還記得一年前7月7日凌晨時份,在YouTube出現這幕長髮少女躺卧地上,表情痛苦、聲淚俱下的片段嗎?此短片引發好心網民報警,經過一輪恐慌,警方最後證實片段實為電影宣傳片,上載片段而涉嫌浪費警力被捕的導演,終沒被檢控。

巿民點睇?中學生劉先生以前沒看過該宣傳片,「有少少懷疑係唔係真㗎囉,始終係網上流傳,唔係咁可信。」他指導演宣傳手法新穎,可說是先例,「但有少少過份,利用咗網民同情心,但都接受導演嘅致歉,可以原諒,但日後應該加啲警告字句。」

大學生鄧小姐亦沒有看過該宣傳片,當記者給她看後,她坦言:「我未必會報警,除非睇完好清晰先再決定。擺得上網好多都係玩,唔會當真。」她會接受導演的道歉,「但下次最好加番啲字句標明係電影宣傳片,咁咪唔使人擔心。」對於電影獲獎,她認為:「如果佢拍得好攞獎都應該嘅,佢拍得咁真,啲人都誤會咗。」

《突工隊》四圍去,大小事都為你追!

追實城中突發大小事,即 like 蘋果【現場】FB!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載