【武漢肺炎】抗爭迫停暉明邨作「隔離營」 街坊質問政府:點解要咁影響民生?

更新時間 (HKT): 2020.01.27 11:43

武漢肺炎疫情不斷擴散,港府擬改裝未入伙的粉嶺公屋暉明邨作隔離用途,事件揭發當局黑箱作業未有諮詢,惹來附近屋苑居民怒吼,十多名北區區議員亦聯署反對,擔心出現社區播毒。逾百名居民昨不分「黃藍」,在暉明邨外抗議堵路,其間邨內更疑被縱火,消防到場救火,大批防暴警察截查居民,拘捕11人,觸發大年初二警民衝突。當局稱會暫停將暉明邨作「隔離營」的準備工作,並於周三向北區區議會交代計劃。

住在暉明邨鄰近屋苑的鄧先生知道昨晚居民為今次事件進行抗爭,「政府真係要聽市民意見,點解要咁影響民生?或者可以倒轉從根源開始,點解唔喺關口度截停啲人?原機送返佢哋國家?原機隔離?好多國家都做緊,好簡單可以做到」。

鄧先生又稱:「我真係住喺隔離,(距暉明邨)最多300米左右,點可能咁近民居,我本身有三個細路仔,最大10歲、最細2歲,會影響好大,就算健健康康正正常常,都有機會感染,仲要今次病毒咁特別咁犀利,我老婆同我都好擔心。」鄧先生指出,政府作出有關想法前,並未派人諮詢居民,大廈通告或區議員都未曾發出類似通告,「邊有人講過」。

在區內居住了18年的街坊陳太,亦不贊成將暉明邨改裝作隔離用途,認為「呢度咁密集民居」,但亦不懂如何向政府表達自己的憂慮,「我哋唔知點表達,但係我哋擔心」。

追實城中突發大小事,即 like 蘋果【現場】FB!
BannerBanner