【抗暴之戰●理大】校長會續尋學生 「好擔心佢哋情緒崩潰」 

更新時間 (HKT): 2019.11.22 15:18

校長會主席鄧振強偕團隊,早上約11時繼續到理大尋找18歲以下的中學生,在校園逗留兩個多小時,他中午會見傳媒時表示,團隊由高層至地下「掃樓」觀察,僅接觸到8名成年的留守人士,無法接觸到學校學生,他手頭上知悉仍有數個個案的中學生留守校園內,「每間中學得一個學生,有啲學生仍會與家長同老師聯絡,我哋講咗我哋會喺乜嘢地方如core A同飯堂等佢哋,可惜未有學生出現過。」

鄧校長指稍後會有律師團隊到校園,希望可加強游說學生跟他們離開校園。他坦言對事件感到憂心忡忡,「剩返喺度嘅學生見都唔肯見我哋,感覺到我哋工作越來越困難!」事件已接近一周,鄧校長憂慮同學的情緒,「有個女學生同家長傾電話時,有時話肯走,有時又話唔走,睇得出佢哋情緒好波動同唔穩定,好擔心佢哋情緒崩潰。」

鄧校長表示,他們接觸的8名成年人士,都表示會堅決留守,「佢哋唔係好肯同我哋傾偈。」他未能掌握現時留守校園學生的身體狀況,只表示18歲以下學生若肯離開,只須登記資料便不會被補,無任何附加條件。

追實城中突發大小事,即 like 蘋果【現場】FB!
BannerBanner