【抗暴之戰●理大】巡視校舍執垃圾 理大副校長:有人又屙又嘔

更新時間 (HKT): 2019.11.21 16:10

理大副校長科研發展衞炳江、副校長學生事務楊立偉、工程學院院長文効忠教授,與校董會主席林大輝今午一時先後到理工大學巡視校舍,先後到訪圖書館和飯堂。理大副校長(科研發展)衞炳江接受傳媒提問時,指理工大學現時的衞生情況惡劣,有留守者「又屙又嘔」,因呼籲他們盡快離開。「我同埋院長幫手清咗啲垃圾,好咗少少,但仍然未適合煮食」。

經過視察後,他指「基本所有實驗室被破壞,唔見咗好多嘢,以我收到嘅報告,唔見嘅主要係一啲化學品,一啲好危險嘅化學品」、「有好多唔應該有嘅嘢喺太陽底下曬住係好危險嘅」,因而勸喻留守者不要靠近該處。

他不清楚現時留守者的實際人數,並謂「教授、系主任、院長,接觸得到嘅都已經接觸了」。對於仍然猶豫的人,他稱已派輔導員進行游說,並指若有需要,校方會安排學校管理層陪同學生到醫院或警署落案。

追實城中突發大小事,即 like 蘋果【現場】FB!
BannerBanner