【抗暴之戰●理大】理大學生留守到底拒自首:唔應該信呢個政府 

更新時間 (HKT): 2019.11.19 13:50

理大圍城踏入第三日,經過幾輪突圍後,昨日不斷有人相繼用不同方法逃離警方重重封鎖,亦有人自首離開。走入紅磚大學,仍見有人繼續留守,選擇等到最後一刻。

記者:沈彥恒

Ben和Jerry是理大學生,由前日至今,一直留在校園,希望守護自己的學校,不容警察隨便入侵。「而家講五大訴求,甚至六大訴求,但政府一直唔回應。Poly點解咁重要,就係因為我哋連住紅隧。我哋塞咗紅隧,塞咗尖東橋,希望可以迫到人罷工。」Jerry說:「好遺憾地我哋失守咗。」

城內人也渴望自由,Jerry坦言自己多次突圍,也未能逃走。昨晚游繩逃脫一役,他也有參與其中,可惜為時已晚。「我哋畀女仔游先,我女朋友喺嗰度。我睇住佢游繩落去,佢擒出去,就係咁俾子彈射。」回想起昨夜畫面,Jerry失聲痛哭。他哀求警察停止攻擊,然而他們沒有罷休。落地的人受傷被圍捕,他受傷的女友及時回到橋上,繼續待在圍城。

為了逃生,又有否想過自首?Ben形容這是極權政府的條件:「我哋作為抗爭者,有乜理由要接受佢(政府)呢個條件?我哋抗爭到底㗎啦。」

而望見不少中學生相繼自首離開校園,Jerry直言認為這是個錯誤決定。「唔應該去相信呢個政府。你諗吓場運動咁耐,佢有幾多次值得我哋去信,一次都冇。中大嗰次四次都反口,憑咩要我哋信你?」他悲憤交集:「走唔到,我哋就堅守到底。」

追實城中突發大小事,即 like 蘋果【現場】FB!
BannerBanner