【抗暴之戰】何傳耀紀念中學 逾200同學穿黑衣戴口罩支持健仔「不怕秋後算賬」 

更新時間 (HKT): 2019.10.10 06:10

今日全港學校便服日,早前被防暴警開槍打中胸部險死的健仔,其就讀的荃灣公立何傳耀紀念中學,同學們趁便服日穿黑衣以示抗議,老師則於門外守候,未有干涉。該中學舊生今早在學校門口,派發心意曲奇,就記者所見,近3成學生逾200人穿上黑衣,聲援中槍同學。相比起早前義正辭嚴譴責警方以實彈射擊同學,今日學生明顯比較忌諱記者訪問,同學間似乎已有共識避談健仔事件,以保護其私隱。

其中穿黑衣戴口罩的S同學(化名),他指要支持健仔,「佢為我哋做咗咁多,咁我哋一身黑衣都唔為健仔做咩」,雖然實施《蒙面法》,教育局有通告提醒學生不要在校內校外戴口罩,但S同學指「學校有七成人都戴口罩,唔擔心會被標籤,太多同學都係咁。」他指現時即使身穿校服,放學後與同學一起閒逛,「都會被人望住,啲人好似好驚訝咁,因為我哋係何傳耀學生。」他說今年開學有參與罷課,而且同學的話題「多咗講政治,以往都唔係好理政治,依家傾八卦嘢少咗。」他說校內9成同學都是反送中,事件令同學們團結起來。

與健仔同班的李同學,今日亦有響應黑衣便服日,抗議警察執法不合理,「唔覺得有必要用到實彈射佢心口咁嚴重,當日仲諗住(健仔)唔會咁黑仔卦。」他指反送中運動發展後,學校風氣有所轉變,課餘時間不少同學以各種活動聲援健仔。「多咗人喺小息時叫口號,老師冇干涉,尊重我哋表達訴求的意願。」運動雖對學業成績影響不大,卻難免影響個人情緒,李同學說:「睇到啲片見警察打人都覺得有冇搞錯。」

此外,7位畢業超過10年的舊生,放下工作,告假半日,早上7時穿上黑衣回校,向師弟妹派發愛心曲奇。曲奇由校友自費4位數訂購,餅面寫上「何中人加油」字句,期望可鼓勵在學師弟妹。他們對健仔中槍感到難過,有人更情緒激動落淚。

追實城中突發大小事,即 like 蘋果【現場】FB!
BannerBanner